VOV4.Sêdang - Kơxê lơ 2 khế 2, a pơlê kong kơdrâm Plei Ku, kong pơlê Gia Lai hiăng po Hneăng hôp tơru\m cheăng rak tơniăn tung gâk kring pơla Ko\ng an 6 kong pơlê, 3 tơnêi têa Việt Nam – Lếo – Kul rôh má 4.

Ko\ng an 3 to tơnêi têa Việt Nam-Lếo-Kul thăm tơru\m cheăng

Hơnăm 2014, khu Ko\ng an 6 to kong pơlê, mê cho: Kon Tum [ă Gia Lai dêi Việt Nam, Attapeu [ă Sekong dêi Lếo, Stung Treng [ă Ratanakiri dêi kong têa Kul hiăng k^ tơkêa tơru\m cheăng rak tơniăn krê.

Ko\ng an 3 to tơnêi têa Việt Nam-Lếo-Kul thăm tơru\m cheăng

Sap ing mê troh nôkố, khu ko\ng an dêi 6 to kong pơlê dêi 3 tơnêi têa hiăng pêi pro tro hnoăng cheăng tí tăng ‘nâi ple\ng ăm khu kăn pơkuâ, tối tơbleăng châ tơ-[rê hên tơdroăng hơlâ, veăng kum rak vế tung kring vế, gak ngăn  tơniăn krê, kum hnoăng cheăng mơnhông mơdêk cheăng kâ rêh ối rêm kong pơlê. Ing mê, pro tơ’lêi hlâu ăm kuăn pơlê a mau kơpong tíu tơkăng kong dêi 3 tơnêi têa prôk vêh vâ tê mơdró.

Katarina Nga tơplôu [ă tơbleăng