VOV4.Sêdang - Kơnôm pêi pro ai pơxúa tơ-[rê tung hnoăng rơtế mơjiâng thôn pơlê tiô túa nếo, troh nôkố, Lâm Đồng hiăng ai 6 to cheăm châ mơnhên tối cho thôn pơlê nếo. Lâm Đồng mơ-eăm troh mơ’nui hơnăm kố kô cho kong pơlê ki djâ troăng ahdrối dêi Tây Nguyên ‘na tơdroăng mơhnhôk mê, [ă 5 tơring hiăng châ mơnhên tối cho thôn pơlê nếo.

Troh nôkố, Lâm Đồng ai 6 to cheăm châ mơnhên cheăm pêi klêi thôn pơlê nếo, tung mê cho: cheăm Gia Lâm dêi tơring Lâm Hà, cheăm Gia Viễn dêi tơring Cát Tiên, cheăm Hòa Ninh dêi tơring Di Linh [ă 3 to cheăm ki ê cho Ka Đô, Quảng Lập [ă Lạc Lâm dêi tơring thôn pơlê nếo Đơn Dương.

Vâ châ mơnhên cho cheăm pêi klêi thôn pơlê nếo mơdêk, klêi kơ’nâi pêi klêi thôn pơlê nếo mâu cheăm hiăng pơtối mơ-eăm ăm kơxo# mâu tơdroăng pơkâ châ mơdêk tâ, ki nhên châ 75% troăng prôk tung thôn [ă troăng mot tung thôn châ ok [ê tong, rak tơniăn ăm tơdroăng ki ô tô chiâng prôk tơ’lêi hlâu plâ hơnăm; lối 90% [ăng tơnêi pêi cheăng kâ hiăng ai têa vâ tôh; 99% rơpo\ng châ xúa on tơhrik đi đo [ă châ tơniăn, 95% hngêi trung mầm no troh hngêi trung râ má péa ai kơ-[ăng tăng tơmeăm xúa tung hriâm tâp châ tiô pơkâ dêi tơnêi têa; lối 85% kơxo# rơpo\ng ai hngêi ối châ tiô pơkâ; pêi lo liăn rêm ngế athế hên tâ 1,3 hdroh tơngi klêng [ă vâ pơchông [ă kơlo pêi lo rêm ngế dế nôkố châ mơnhên cheăm pêi klêi thôn pơlê nếo; [ă kơxo# rơpo\ng kơtiê ki kơvâ athế ối pá xôp 1%.

Pak^ng mê, mâu cheăm pêi klêi thôn pơlê nếo mơdêk athế ai kơpong pêt mơjiâng kế tơmeăm tơku\m [ă mâu kế tơmeăm ki xiâm; ai 1 troh 2 túa pơkâ kế tơmeăm pêi chiâk deăng xúa kơmăi kơmok rơxông nếo [ă rak tơniăn kế kâ, pêi lo liăn tung môi [ăng tơnêi tâk 1,5 hdroh tâng vâ pơchông [ă tơdroăng pơkâ tơdjuôm dêi kong pơlê [ă hên ki ê.

A tơring Đức Trọng, Lâm Đồng pêi chiâk deăng xúa kơmăi kơmok rơxông nếo veăng kum mơdêk tơdroăng rêh ối thôn pơlê

Tiô pôa Nguyễn Văn Quang, a cheăm Hòa Ninh, tơring Di Linh, vâ pêi klêi cheăm thôn pơlê nếo mơdêk, kuăn pơlê kal ai tơdroăng ki tơru\m [ă mơ-eăm tâi ivá tơná vâ rơdjuôm [ă khu kăn pơkuâ pêi klêi hên tơdroăng ki hiăng pơkâ mơ’no:

‘’Ngin mơ-eăm khât, mơ-eăm veăng tơlo mâu kơxo# liăn tiô pơkâ dêi kong pơlê. Pak^ng tơdroăng ki veăng tơlo liăn mê ngin ối veăng tung tâi tâng mâu rôh mơhnhôk môi tiah go#m văng xok a troăng prôk, pro krúa le\m a thôn pơlê, mê nếo pêt reăng a péa pâ troăng, rak ngăn [ă hên tơdroăng ki ê mơhnhôk tâi tâng vâi krâ nho\ng o, mơhnhôk rêm ngế veăng tơdjuôm ivá kố. Ngin vâ tâi tâng rêm ngế pơrá hlê ple\ng ki mơeăm rak vế tíu ối gá kô le\m tro, tơniăn [ă cho môi tíu ki rơhêng vâ rêh’’.

Troăng prôk thôn pơlê a Lâm Đồng

Achê kố, Vi [an hnê ngăn kong pơlê Lâm Đồng hiăng tơku\m po leh tơbleăng pơkâ tơring Đức Trọng pêi klêi thôn pơlê nếo [ă tơdah Mê dái pêi cheăng ối má pái. Klêi kơ’nâi 10 hơnăm tối tơbleăng pêi pro tơdroăng pơlâ dêi tơnêi têa ‘na mơjiâng thôn pơlê nếo, ngiâ méa thôn pơlê dêi tơring Đức Trọng hiăng hlo hơ’leh khât, hngêi trăng troăng klông mơnhông, cheăng kâ mơdêk, pêi lo liăn rêm ngế châ 57 rơtuh liăn tung môi hơnăm. Mâu kơvâ cheăng khăm pơlât, hnê hriâm rak tơniăn, tơnêi tơníu tâ tá thôn pơlê châ hơ’leh khât, gâk kring tơniăn.

Tiô pôa Nguyễn Ngọc Phúc, kăn pơkuâ ngăn Đảng tơring Đức Trọng, châ tơdroăng kố cho kơnôm ing tơdroăng ki tơdjuôm ivá, môi hiâm mơno dêi tâi tâng Đảng [o#, khu kăn pơkuâ [ă kuăn pơlê, la vâ pơtối rak vế [ă mơdêk mâu tơdroăng ki hiăng pêi klêi kố, tơring Đức Trọng kal tối tơbleăng tơdâng tơ’mô hên troăng hơlâ, tung mê, ai tơdroăng ki mơnhông mơdêk cheăng kâ rêh ối krá tơniăn ton, rak tơniăn châ tê kế tơmeăm pêi lo ing chiâk deăng [ă mơdêk pêi lo liăn, tơniăn tung rêh ối ăm kuăn pơlê đi đi cho tơdroăng pơkâ ki xiâm.

‘’Nôkố, ngin mơnhên tơdroăng ki rơkê ple\ng tung cheăng kâ dêi kuăn pơlê Đức Trọng cho hlê ple\ng khât, mâu tơdroăng pơkâ ‘na tơnêi tơníu, hno têa, kong prâi xuân tro. Tơdroăng ki cheăng kâ xơpa la xơpá má môi cho mơdêk ki dâi le\m, tê kế tơmeăm [ă troăng vâ pêi pro troh pêi chiâk deăng krúa mê cho pêi chiâk deăng hưh cơ. Pơkâ tơleăng tơdroăng kố kal ai mâu pơkâ mơnhên, pơtih athế ai mâu khu mơdró kâ, khu pêi cheăng tơru\m cho khu ki le\m vâ tơru\m [ă kuăn pơlê, khu kăn pơkuâ mê to\ng kum, ‘no liăn ki apoăng vâ mơjiâng inâi kế tơmeăm, rak tơniăn pêi lo liăn châ mơdêk tung mâu kơvâ cheăng pêi chiâk deăng’’.

Đức Trọng cho tơring ki má 2 dêi kong pơlê Lâm Đồng, [ă cho tơring má 2 dêi Tây Nguyên châ mơnhên tơring pêi klêi thôn pơlê nếo. Drêng kố, tơring Đức Trọng hiăng hâk tơngăm châ tơdah xo Mê dái pêi cheăng ối má pái xua kăn xiâm hnê ngăn tơnêi têa diâp ăm.

Tung mâu hơnăm hdrối nah, [ă hên kơxo# liăn, kong pơlê Lâm Đồng hiăng tơku\m ‘no liăn mơnhông mơdêk tung tâi tâng kơpong thôn pơlê, kơpong hdroâng kuăn ngo. Lâm Đồng nôkố ai péa tơring thôn pơlê nếo tiô tối hdrối mơ’nui hơnăm kố kô ai 5 to tơring pêi klêi inâi ki kố. Lâp kong pơlê nôkố ai 104 tung 111 to cheăm pêi klêi thôn pơlê nếo, tung mê ai 18 to cheăm thôn pơlê nếo mơdêk, cheăm túa ki nếo. Tơdroăng pơkâ hneăng hôp Đảng [o# kong pơlê Lâm Đồng rôh má 11, hơnăm 2020 – 2025 hiăng pơkâ troh hơnăm 2025 Lâm Đồng chiâng kong pơlê mơnhông mơdêk, [ă pêi châ tiô pơkâ kong pơlê thôn pơlê nếo hdrối hơnăm 2025.

Quốc Học chêh

Katarina Nga tơplôu [ă tơbleăng