VOV4.Sêdang - Rơtế [a\ lâp tơnêi têa, hâi hnah, lơ 5/3, kong pơlê Gia Lai xuân kơdrâm kơdre\ng mơngế leh pơcháu khu mô đo#i a mâu tơring.

Thiếu tươ\ng Ngô Minh Tiến, kăn xiâm tí tăng ‘nâi ple\ng Khu lêng Việt Nam mơhnhôk rơtăm Gia Lai.

Hơnăm kố, lâp kong pơlê Gia Lai ai 2.200 ngế rơtăm lo lăm pro mô đo#i, tung mê ai lối tơdế cho rơtăm mơngế hdroâng kuăn ngo.

 Pơlâng rơpo\ng, Kpuih Mlớt, hdroâng kuăn ngo Jarai, a pơlê A, cheăm Gào, pơlê kong kơdrâm Pleiku, pêi hnoăng cheăng a Sư đoân 10, Kuân đoân 3 kho\m mơ-eăm:

‘’Hâi kố a mot pro mô đo#i, tung mơno cho sôk ro châ kum ăm tơnêi têa. Mơhé thế hơhngế pú hmâ, nôu pâ, nho\ng o, xuân khéa hơ’nêng há laga a kho\m pro môi ngế lêng le\m, pêi tơtro hnoăng cheăng tung Khu lêng kuăn pơlê Việt Nam’’.

10 tơring, pơlê kong kơdrâm dêi kong pơlê Kon Tum xuân hiăng tơku\m po leh pơcháu lêng hơnăm 2018.

Mâu lêng ki nếo lăm prôk mố đo#i

Tung rôh rah lêng hơnăm kố, kong pơlê Kon Tum ai 800 ngế lêng. Rơtế [ă leh pơcháu lêng châ tơku\m po kân krip, mâu tơring, cheăm dêi kong pơlê Kon Tum xuân pêi pro kơhnâ tơdrăng mâu tơdroăng, môi tiah lăm pôu kơ-êng, hbru tơmeăm, tơku\m trâm mâ, chiân [ă hên tơdroăng ki ê kum mâu lêng hlo hnoăng cheăng [ă tuăn hiâm hâk tơngăm khôi túa ton nah dêi khu lêng Việt Nam, mơeăm pêi klêi hnoăng cheăng pơcháu.

Mâu tơring a kong pơlê Dak Nông hiăng rơtế tơku\m po leh chiên 800 ngế rơtăm lo lăm pro mô đo#i gâk kring Tơnêi têa. Leh pơcháu khu lêng a mâu tơring, pơlê kong krâm tơku\m po kân krip, thâ.

Mâu lêng ki nếo lăm prôk mố đo#i

 Hơnăm kố, tơdroăng rah khu lêng Dak Nông cho châ hên, tơniăn kơxo# mơngế, ivá rơdêi [a\ hriâm lâm kân.

 Mâu rơtăm kong pơlê kô pêi hnoăng cheăng pro lêng a Kuân đoân 3, ối tung Khu xiâm pơkuâ lêng, Khu xiâm pơkuâ lêng kong pơlê, Mô đo#i gâk kring tíu tơkăng kong kong pơlê [a\ Ko\ng an kong pơlê.

Leh pơcháu lêng a Plông kân 10-3 {uôn Ma Thuột

Hơnăm kố, kong pơlê Dak Lak châ pơcháu rah xo 2.450 ngế kuăn pơlê pro mố đo#i. tâi tâng 15 tơring, pơlê kong kơdrâm {uôn Ma Thuột, hiăng tơku\m po leh pơcháu lêng tung tơdroăng ki sôk so, re#ng, tơniăn. Lâp kong pơlê hiăng pơcháu tu\m tiô túa pơkâ ăm mâu tíu cheăng ki tơdah xo mê cho: Quân khu 5, Quân đoàn 3, Mố đo#i gâk tơkăng kong kong pơlê [ă Trung đoàn 584 Dak Lak.

A Sa Ly tơplôu [ă tơbleăng