Pôa Nguyễn Trọng Xuất, kăn pho\ hnê ngăn Kâu lăk [o# tơru\m tơplâ Hồ Chí Minh.

Tơdroăng ‘na pôa Phan Văn Khải, Ngế pro xiâm hnê ngăn tơnêi hneăng hdrối hiăng kơtê hiâm pro ăm pôa Nguyễn Trọng Xuất, kăn pho\ pơkuâ Kâu lăk [o# khu tơru\m rôh tơplâ Pơlê kong kân Hồ Chí Minh [riê tung hiâm mơno.

Pôa Xuất chôu vế: A hơnăm 1976, pôa prếi pôa Sáu Khải rơtế châ xing xoăng hnoăng cheăng veăng tung Tôh chêh tơm xo rơkong Hneăng hôp Đảng [o# Pơlê kong kân Hồ Chí Minh rôh má môi. Ing tơdroăng cheăng ki hmâ pêi, pôa Xuất [ă hên ngế ki veăng tung rôh tơplâ rôh ki mê nah hiăng châ hlo a poâ Phan Văn Khải môi ngế ki ai tuăn hiâm pêi cheăng khoa hok, ai tơdroăng ki rơkê ‘na hnoăng cheăng, malối cho tung hnoăng cheăng mơjiâng túa pơkâ rơkê khât. La tiah mê, tung túa rêh ối pôa Sáu Khải xuân ối rêh môi tiah mơngế Nam bộ, tơdrăng, têm rơpiât.

Pôa Nguyễn Hồng Thắng, kăn pơkuâ rơ’jiu kuăn pơlê pơlê kong kân Hồ Chí Minh

{ă tuăn hiâm ki rơkê ‘na hriăn ngăn l^ luăn, pôa Sáu Khải hiăng rơtế [ă Tôh chêh tơm xo rơkong kum kal khât tung tơdroăng ki mơjiâng tơdroăng pơkâ hneăng hôp ki apoăng dêi Đảng [o# Pơlê kong kân Hồ Chí Minh, pơkâ xiâm ăm tơdroăng ki mơnhông mơdêk cheăng kâ rêh ối – pơlê pơla dêi pơlê kong kân ki xiâm dêi tơnêi têa.

Pôa Phạm Bá Lữ, kăn hnê ngăn Khu tơru\m pơlê kong kân Hồ Chí Minh

Ôh tá kâi piu má môi dêi pôa Nguyễn Trọng Xuất ‘na pôa Sáu Khải drêng mê nah cho tơdroăng ôh tá pơkrip dêi tơná, nhuo#m pâ nho\ng o, ôh tá ai tơdroăng ki pơkrip ‘na ki rơkê ple\ng dêi tpná.

Lối 20 hơnăm klêi kơ’nâi châ trâm tung môi rôh pôa Xuất lo ngi Hà Nội hôp, pôa Phan Văn Khải, Ngế pro xiâm hnê ngăn tơnêi têa drêng mê nah tơdah pôa [ă tơdroăng ki rup ko\ng krá, xuân [ă inâi tơpui tó [ă tơdroăng ki tá tuăn tá hiâm. Mâu tơdroăng tơbâ ki mê hiăng ôh tá la lâi kâi hía tung hiâm mơno pôa Nguyễn Trọng Xuất:

‘’Mâu tơdroăng ki chôu vế dêi ngin mê gá ku\n tê, la drêng ngoh pêi dêi hnoăng cheăng kăn pơkuâ tơnêi têa mê ngoh mơdêk mâu ivá cheăng ki mê trâu hngế khât. Ivá cheăng mê gá hnối prôk rơtế [ă tơdroăng rêh ối le\m dêi môi ngế ôh tá pơkrip dêi tơná, á ngăn ki mê gá kơnía khât. Ai hên ngế ối dêi a hneăng cheăng pơkuâ la ôh tá ai kơbố môi tiah ngoh Sáu Khải mê á tơmiât tiah kố tơdroăng mơnhên tối dêi Đảng [ă Tơnêi têa kơ ngoh Sáu Khải gá tro ‘ló khât mê cho tơxâng khât [ă inâi khe#n cho medái Hơlo\ng tr^ng’’.

Pôa Nguyễn Hồng Thắng, xuân cho kăn pơkuâ Rơ’jiu Pơlê kong kân Hồ Chí Minh chôu vế má môi cho mâu rôh pôa Phan Văn Khải, Ngế pro xiâm hnê ngăn tơnêi têa tung hneăng cheăng Kuo#k ho#i hneăng má 10, drêng pôa vêh pro nếo kăn cheăng tung Kuo#k ho#i a Pơlê kong kân Hồ Chí Minh.

Pôa Thắng ăm ‘nâi, mê cho tung rôh pơla tơdế hơnăm 1997 drêng pôa Phan Văn Khải xo dêi hnoăng cheăng hneăng ki apoăng. Pôa Thắng hlo Ngế pro xiâm hnê ngăn tơnêi têa đi đo pêi cheăng tâi ivá tơná, đi đo achê, tơdrăng le\m [ă nho\ng o, ôh tá pơrah tơdroăng cheăng,lơ hơnăm. Pôa môi tiah ngế ngoh rơmúa tung rơpo\ng hngêi, rêm rôh trâm pôa lơ kuâ kơxêh mê kơ-êng [ă tơdroăng ki hơniâp ro: ‘’Hôm le\m châ há?’’.

Tiô pôa Thắng, hên nho\ng o tung Kuo#k ho#i Pơlê kong kân Hồ Chí Minh drêng mê nah xuân ối chôu pâ rôh troh a hngêi ngoh Sáu Khải kâ kơ-[ăn xèo xua nâ Sáu Khải pro, ôu drôu [ă tung ki hơniâp ro, tơru\m vâi pú. Pôa Nguyễn Hồng Thắng [riê lo têa mâ:

‘’Á hlo ngoh Sáu Khải cho môi ngế ôh tá rơhăm inâi, rơhăm liăn, rơhăm hlo dêi pro kăn mê pro ki kố ki tá. Pôa ôh tá vâ mâu tơdroăng ki kố. La tơdroăng klâi ‘ló mê pôa kum. {ă ngế ki lâi ôh tá tro mê pôa xuân hnê tối xo ôh tá hôu, lơ xo dêi hnoăng cheăng cho kăn pơkuâ hôu vâi. Drêng lâi ngoh xuân têm rơpiât. Á hlo ngoh ai mâu tơdroăng ki veăng kum kân khât ăm tơdroăng cheăng hơ’lêh nếo dêi tơnêi têa pin’’.

Pôa Thắng xuân mơnhên tối khât mâu tơdroăng pơkâ ki veăng kum tung mơnhông mơdêk tơnêi têa dêi pôa Sáu Khải, malối cho tơdroăng Chin phuh pơtroh [ă Kuo#k ho#i hiăng tối tơbleăng Luât Khu mơdró kâ tung hneăng hơnăm ki apoăng pêi cheăng dêi Ngế pro xiâm hnê ngăn tơnêi têa, tơdrêng a mê Chin phuh xuân hiăng pơkâ tơleăng hên mâu hlá mơéa ăm mâu hên kơxo# liăn dêi tơnêi têa.

Mơnhên tối khât mâu ivá veăng kum tung hnoăng cheăng cho Ngế xiâm pơkuâ Chin phuh, tung mơnhông mơdêk cheăng kâ, po rơdâ tơru\m cheăng tơpui kâ, pôa Phạm Bá Lữ, kăn hnê ngăn Khu mố đo#i hơnăm hiăng krâ Pơlê kong kân Hồ Chí Minh [ă hên hok tro peăng hdroh ối chôu pâ tơdroăng ki tơmâng ngăn kơ-êng, mâu tơdroăng ki achê, đi đo rak ngăn nho\ng o môi tiah dêi mơngế Nam bộ dei pôa Sáu Khải:

‘’Mâu rôh hôp tiah hmâ dêi hok peăng hdroh tung tơnêi peăng kơnho\ng cho rôh ki lâi ngoh Sáu Khải mơhé ai hên tơdroăng cheăng la xuân ối mơdoh chôu lăm pôu, mơhnhôk cho ngế ngoh rơmúa dêi hok tro peăng hdroh. Mê mâu nho\ng o ngăn nhuo#m khât kơ ngoh Sáu Khải [ă mơjo pâ ngoh Sáu Khải môi tiah ngế ngoh xiâm tung rơpo\ng hngêi’’.

Ôh tá kâi tối tâi mâu tuăn hiâm ki nhuo#m pâ dêi mâu kăn [o#, kuăn pơlê Pơlê kong kân Hồ Chí Minh ăm kơ pôa Phan Văn Khải, Ngế pro xiâm hnê ngăn tơnêi têa. Pôa đi đo cho ngế kuăn ki kơhnâ rơkê dêi kơpong tơnêi the\p Củ Chi, dêi Nam bộ chiâng hlái Tơnêi.

          Huy Sơn chêh

Katarina Nga tơplôu [ă tơbleăng