VOV4.Sêdang - Plâi hồng cho plâi kâ châ pêt a Đà Lạt [ă mâu tơring Lạc Dương, Đơn Dương dêi kong pơlê Lâm Đồng. Mơhé châ ngăn cho tơmeăm khoăng ki hên hơnăm hdrối, plâi kâ kố xuân hâi ai tíu tê tơniăn, đi đo tro mung tối inâi pro kuăn pơlê tê plâi oh tá châ tơniăn. Hlo ti mê, Lâm Đồng hiăng tơbleăng tơdroăng tơkêa pro pơxiâm pêi cheăng, rak ngăn, mơnhông inâi plâi te\m tem mơnhên inâi plâi hồng Đà Lạt [ă hiăng châ Khu xiâm ngăn tuăn ngôa rơkê (Khu xiâm hriăn cheăng ‘na khoa hok [ă ko\ng nge#) ăm [âng kring vế hnoăng pơkuâ a tơdế hơnăm kố. Vâ mơnhông inâi, djâ túa plâi mê chiâng môi tung mâu loăng plâi ki xiâm, mâu kăn tơring cheăm tung kong pơlê kố dế tơbleăng pêi hên tơdroăng vâ mơdêk.

Tâng dế nôkố dêi mâu hơnăm hdrối mê hía nah, plâi hồng cho plâi kâ dêi kong pơlê Lâm Đồng hmâ rơpâ yă, mâu ngế ki pêt plâi hồng pêi lo liăn ôh tá tơniăn mê nôkố tơdroăng kố hiăng châ hơ’leh. Ki hên mâu kế tơmeăm ing tơdroăng ki klêi kơ’nâi uâ mơdiê sap ing plâi hồng pơrá châ mơdêk yă, tơdroăng ki tê châ tơniăn pro loăng plâi hồng cho plâi ki xiâm dêi kơpong kố rế hía rế châ ai tíu tê tơniăn tung tơdroăng plâi hồng dêi kong pơlê.

Pak^ng pơlê kong kơdrâm Đà Lạt, inâi mơnhên plâi hồng Đà Lạt ối châ hbru ăm hnoăng xúa inâi ăm mâu ngế krê, khu mơdró kâ ki pêt, tê mơdró plâi hồng a mâu tơring Lạc Dương [ă Đơn Dương, [ă tâi tâng [ăng tơnêi pêt plâi hồng cho lối 600 ha. Tiô pôa Lê Minh Tuấn, a pơlê kân Dran, tơring Đơn Dương tối, sap ing hâi ki châ hbrâ ăm inâi hồng Đà Lạt, kơxo# liăn pêi lo sap ing kơdrum hồng kố dêi rơpo\ng hiăng hlo tâk hên.

Loăng plâi hồng châ rơpo\ng hngêi ‘no liăn rak ngăn hên mê ki dâi le\m, mâu hdrê plâi hồng xuân rế hía rế châ mơdêk, malối cho rế hía rế hơ’leh troăng pêt hưh cơ.

‘’Yă yê gá tâk péa lơ pái hdroh tâng vâ pơchông [ă hdrối. Á pêt tiô troăng hưh cơ mê ôh tá xúa pơkeăng xôh nhâ, bu mung vâi po nhâ xo [ă xúa phon hưh cơ’’.

Plâi hồng têng [ă kơmăi kơmok Nhuk ai inâi Đà Lạt

Pak^ng plâi hồng ki ối tá pu\m, plâi hồng ối châ pro mâu kế tơmeăm kâ ai inâi Đà Lạt môi tiah hồng têng, kơ-óu, hồng khăng pro [ă kơmăi kơmok Nhuk, Hàn Quốc xuân cho kế tơmeăm châ mâu khu tơru\m, mâu ngế krê [ă tíu ki tê mơdró xúa inâi hồng Đà Lạt tơmiât vâ pêi pro troh. Pôa Mai Xuân Long, kăn pơkuâ Khu pêi cheăng tơru\m Đất Làng, a cheăm Xuân Trường, pơlê kong kơdrâm Đà Lạt ăm ‘nâi, drêng ai inâi mơnhên hồng Đà Lạt,  hdrê plâi kố hiăng ai ivá rơdêi tơxup [ă mâu kế tơmeăm rơtế [ă túa tung kơchơ.

Nôkố, tíu cheăng dế  po rơdâ tơdroăng ki tơru\m pêt [ă kuăn pơlê vâ rak tơniăn tơdroăng ki tê [ă mơdêk ki dâi le\m ăm kế tơmeăm plâi hồng dêi inâi Đà Lạt.

‘’Châ xo inâi kố cho hiăng pro ai pơxúa ăm loăng hồng ki kâ plâi. Kuăn pơlê ki pêi chiak deăng mê mơdêk tơdroăng ki rak ngăn kơdrum vâ mơdêk châ ki knía dêi kơpong ki pêt plâi hồng. Drêng kuăn pơlê veăng tơru\m pêt mê tơdroăng ki rak ngăn pơrá châ tiô tro kih thuât, mơdêk ki kơnía ăm plâi hồng’’.

{ă ivá mơ-eăm dêi khu kăn pơkuâ, khu mơdró kâ [ă kuăn pơlê ki pêi chiâk deăng, inâi  hồng Đà Lạt hiăng châ mơjiâng tơ-[rê [ă dế rế hía rế mơnhông. Laga, tiô pôa Nguyễn Văn Sơn, kăn pho\ hnê ngăn Vi [an pơlê kong kơdrâm Đà Lạt, vâ inâi hồng Đà Lạt châ rak vế [ă mơnhông tơniăn mê ối ai hên tơdroăng ki vâ pêi.

‘’Pơlê kong kơdrâm Đà Lạt ai hên tơdroăng kal vâ pêi vâ kum ăm mâu khu mơdró kâ, khu pêi cheăng tơru\m dêi tơná xúa tro tơdroăng pơkâ, tro inâi [ă rak vế châ kế tơmeăm dêi tơná drêng mơ’no ăm kơchơ, rak tơniăn mơdêk ki dâi le\m xuân môi tiah châ vâi loi tơngah inâi hồng Đà Lạt. Ngin xuân ai mâu tơdroăng to\ng kum hơ’leh ‘na hdrê, kum ‘na kih thuât tung pêt mơjiâng, uâ pơliê kế tơmeăm, ‘măn rak, tâ tung tơdrong vâ tê tung kơchơ.

Pak^ng mê, ngin hiăng pâ thế [ă Khu ngăn chiâk deăng [ă mơnhông mơdêk thôn pơlê,  Tíu xiâm pơkâ mơdêk ‘no liăn cheăng, tê mơdró [ă ôm hyô kong pơlê Lâm Đồng tơdjêp tê mơdró, tơbleăng inâi tung tơnêi têa [ă kong têa ki ê vâ ăm kế tơmeăm kố châ tê tung kơchơ’’.

Mơjiâng [ă rak vế inâi hồng Đà Lạt cho môi troăng prôk ki kal ki Đà Lạt – Lâm Đồng hiăng [ă dế mơ-eăm tối tơbleăng pêi pro. Loi tơngah [ă tơdroăng ki tơmâng ngăn [ă to\ng kum hên sap ing mâu kơ koan ki ai tơdjâk troh, plâi hồng Đà Lạt kô re\ng châ ai tíu tê tơniăn a kơchơ mơdró tung tơnêi têa [ă châ tê ngi kong têa ê.

            Quang sáng chêh

Katarina Nga tơplôu [ă tơbleăng