Ro ‘nâng hneăng tơ’noăng vo plong tiah hmâ a Gia Nghĩa
Thứ hai, 14:12, 25/03/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Hneăng tơ’noăng vo plong tiah hmâ ton nah tơ’mot hên kuăn pơlê ƀă tơmối ngăn, tríu hâk têa kŏng. Xuân a rôh mê, a hbo plêng a ‘ngêi dêi Gia Nghiã , kong pơlê Dak Nông hlo hên vâi to pa rơsut ki ai krâ kơmăi ƀă um hlá cờ ai hơlŏng trĭng, mơhno ăm hlo ki lĕm a tơdế long dêi pơlê kong kơdrâm kố.
Vi ƀan pơlê kong kơdrâm Gia Nghiã Dak Nông tơkŭm po tơ’noăng vo plong tiah hmâ a long ki ối tơdế pơlê kong kơdrâm, veăng tơ’noăng ai 8 khu vâi kơnốu, kơdrâi. Kố cho hneăng tơ’noăng tung rôh tơ’noăng koh tơbâ 49 hơnăm hâi châ tơleăng lĕm Gia Nghiã ƀă tơbâ 20 hơnăm mơjiâng kong pơlê Dak Nông (2004-2024).
Klêi 2 chôu tâng hơkâ chuât pơxiâm po, mâu tơ’noăng hiăng dâi ivá vo plong a tơdế long xiâm pơlê kong kơdrâm, vâi vo rơdât dêi rơpó tơ’noăng ivá ngăn khu ki lâi rơdêi. Mơhé kong tôu téa ó la kơdrâm kuăn pơlê a kố ƀă tơmối hiăng troh tríu hâk, têa kŏng ăm mâu ki tơ’noăng. Tơdrêng mê, a ‘ngêi hbo plêng dêi pơlê kong kơdrâm Gia Nghiã hiăng hlo 4 ngế to parơsut, krâ hlá cơ khêi hơlŏng trĭng.
Viết bình luận