Pơxá “Kơchâi kế kâ ing pơkeăng - ki lĕm dêi kong Ngọc Linh”, Tơ’noăng pơchên kế kâ lâp plâi tơnêi ai 21 khu tơ’noăng. Tung mê, ai 11 khu lo ing mâu tơring Tu Mrông, kong pơlê Kon Tum; 10 khu cho mâu ki lo ing kong têa Lếo, Sinuâ, Swiss ƀă mâu kâu lăk ƀô̆ ki rơkê pế pơchên kơchâi kế kâ tung  tơnêi têa.

Khu châm điêm cho mâu ngế rơkê ‘na kế kâ, mâu ngế pơchên kế kâ ki vâi ô eăng tung tơnêi têa kô châm ngăn tiô mâu kơchâi kế kâ ki pế kơhiâm xú lĕm lơ ôh ƀă châm ngăn ki rơkê tơbleăng dêi kơchâi kế kâ, ƀă tơdroăng tơpui tối ‘na kế dêi khu. 

Tung rôh tơ’noăng, Kŏng ti veăng tơlo liăn Tơkŭm po tơ’noăng vâ ‘nâi ki hên kế kâ Việt Nam Vietkings kô tơbleăng ki hên dêi Việt Nam ‘na 120 túa kơchâi kế kâ pế ing sâm kơxái cho tơring Tu Mrông.