Hên pơlê cheăm dế rế hía rế mơjiâng mâu kơpong tơmeăm, pro tơdroăng ki xâm vâ tơ’mot tơmối troh ôm hyô ngăn. Dak Lak hiăng pơkâ mơjiâng 16 thôn, pơlê ôm hyô, vâ ivá tơ’mot, mơdêk túa ôm hyô kố mơnhông tơƀrê a kong pơlê. Tiô jâ Nguyễn Thụy Phương Hiếu, Kăn phŏ ngăn Túa lĕm tro, Hriâm ivá ƀă Ôm hyô Dak Lak, mơjiâng ôm hyô pơlê pơla rế veăng kum pro pơxúa tơƀrê ‘na cheăng kâ rêh ối pơlê pơla ăm kong pơlê, kum hơ’lêh túa ki pêi cheăng kâ, tăng cheăng kâ, mơdêk pêi lo liăn ăm pơê pơla veăng tung mâu tơdroăng ôm hyô.

Tơdrêng amê, hlối veăng kum mơdêk rak vế, mơdêk, mơđah tơbleăng ki kơnía túa lĕm tro tiô khôi hmâ ki lĕm tro dêi vâi krâ nhŏng o tro ƀă mơnhông ôm hyô. Xua mê, athế pro tiah lâi vâ pơlê pơla hlê nhên ƀă veăng kơhnâ tung tơdroăng ki pro ôm hyô tiô túa ki hbrâ rơnáu xêh mê nếo bro chiâng ivá ăm ôm hyô pơlê pơla.