VOV4.Sêdang - Hâi lơ 21/2, pôa Nguyễn Xuân Phúc, Ngế pro xiâm hnê ngăn tơnêi têa pin hiăng pơkuâ xiâm hneăng hôp khu kăn xiâm dêi Chin phuh [ă mâu khu râ, kơvâ cheăng ‘na tơdroăng Têt Lo hơnăm nếo Mậu Tuất.

Ngế pro xiâm hnê ngăn tối rơdêi, hnoăng cheăng pêi pro klêi kơ’nâi pơtê leh Têt mê cho tâi tâng mâu khu râ, kơvâ cheăng, rêm tíu pơkuâ cheăng, rêm khu râ athế pơkâ pêi pro tơdrêng hnoăng cheăng ki nhên.

Mâu khu râ, kơvâ cheăng, kơ koan athế vêh séa mơnhên ngăn hnoăng cheăng tung tơdroăng pơkuâ ngăn dêi tơná vâ pêi pro tro hnoăng cheăng, ôh tá ăm ai tơdroăng Khế Môi cho khế ki ôu kâ đi đo. Ngế pro xiâm hnê ngăn xuân pơkâ thế mâu khu râ, kơvâ cheăng pơtối ‘mâi rơnêu hnoăng cheăng, ‘mêng hơ’lêh ‘na tơdroăng ‘no liăn tê mơdró kâ vâ kum ăm kuăn pơlê ai hiâm mơno kơhnâ rơkê, mâu khu mơdró kâ xuân ple\ng nhên kơdroh ivá cheăng, la pêi cheăng [ă tuăn ngoâ hên tâ vâ pêi lo kế tơmeăm.

Nhat Lisa tơplôu [ă tơbleăng