VOV4.Sêdang - Tung hâi ki apoăng pơxiâm pêi cheăng klêi kơ’nâi pơtê Têt Lo hơnăm nếo Mậu Tuất, pôa Nguyễn Xuân Phúc, Ngế pro xiâm hnê ngăn tơnêi têa hiăng lăm pôu, mơhnhôk pêi cheăng a poăng hơnăm a tơring thôn pơlê nếo Hải Hậu, kong pơlê Nam Định.

Rơkâu mâu tơdroăng ki hiăng châ tơ-[rê tung pơla mơjiâng thôn pơlê nếo dêi kong pơlê, Ngế pro xiâm hnê ngăn tơnêi têa loi tơngah Hải Hậu kô re\ng cho tơring thôn pơlê nếo tiô túa dêi tơnêi têa.

A cheăm Hải Đông, tơring Hải Hậu, Ngế pro xiâm hnê ngăn tơnêi têa hiăng lăm pôu, mơhnhôk, kơ-êng vâi krâ nho\ng o kuăn pơlê ki pêi chiâk pêi deăng dế pêt báu a klâng kân rơdâ tơru\m cheăng pêt báu hdrê rơnó Xeăng tô 2018 pơla khu mơdró kâ [ă kuăn pơlê.

Ngế pro xiâm hnê ngăn tơnêi têa pơchân tối kong pơlê [ă tơring kal mơdêk tuăn hiâm pôu râng hnoăng cheăng tung tơdroăng ki hnê mơhno mơjiâng thôn pơlê nếo, ngăn mê cho hnoăng cheăng ki xiâm, đi đo, mơ-eăm pêi pro. Drêng kố, Ngế pro xiâm hnê ngăn tơnêi têa pơkâ thế pơtối tối tơbleăng tơdroăng ki tơ’noăng lâp tơnêi têa tơdjuôm ivá mơjiâng thôn pơlê nếo vâ sap ing Tơnêi têa troh kong pơlê ai mâu tơdroăng ki xiâm, túa pơkâ tơtro, hên tơdroăng [ă pêi pro tơdroăng ki ai khât.

Katarina Nga tơplôu [ă tơbleăng