VOV4.Sêdang - Mơgêi a hneăng hôp mơ’no tơdrêng tung um tơvi lâp tơnêi têa ‘na hbrâ mơdât pơreăng Covid-19 po a kong xêi lơ 2/8, pôa Nguyễn Xuân Phúc, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kong pơlê pôi tá préa, hbrâ rơnáu, mơ-eăm mơdât châ tơ-[rê pơreăng Covid-19 ki má péa mot a Việt Nam.

Tối tơbleăng pơreăng kô tâ tú troh lâp lu tâng ôh tá pro kơtăng, tơtro. Ngế pro xiâm hnê ngăn tơnêi têa pơkâ thế Đà Nẵng [ă Quảng Nam pơtối xôh pơkeăng kơdê pơreăng a mâu tíu tâ tú. Mâu tơring, cheăm kong pơlê pôi tá tơngôu, thế đi đo hbrâ mơdât pơreăng mơhnhôk tăng tá khu cheăng kal kí tơmâng. ‘Na troăng hơlâ tơku\m po tơ’noăng mơgêi hriâm râ má pái phôh thong,

Ngế pro xiâm hnê ngăn tơnêi têa thế Khu xiâm ngăn ‘na hnê hriâm [ă hnê tuăn ngôa rơkê hnê mơhno troăng hơlâ nhên, tơniăn ăm rôh tơ’noăng; ai troăng hơlâ pơkâ nhên ăm mâu kơpong klâ krê. Khu xiâm thế ngăn a tơdroăng ki hlo [ă mâ vâ hnê mơhno mâu kong pơlê ai pơkâ tơdroăng rak tơniăn tung rôh tơ’noăng.

Tung pơla dế ai tơdroăng pêi tơdrêng nôkó, Ngế pro xiâm hnê ngăn tơnêi têa hnê mơhno Khu xiâm ngăn pơkeăng pơlât [ă khu xiâm ngăn liăn ngân mung liăn vâ rôe mâu tơmeăm khăm pơlât hbrâ mơdât pơreăng, mê Khu xiâm ngăn pơkeăng pơlât [ă Khu xiâm ngăn pơkeăng thế hnê mâu kong pơlê pêi pro tơrêm túa, mơ’no tơmeăm pêi ki kal.

Gương tơplôu [a\ tơbleăng