VOV4.Sêdang - Pơtối roh lăm pôu pêi cheăng a kong têa Australia, hâi lơ 17/3, pôa Nguyễn Xuân Phúc, Ngế pro xiâm hnê ngăn tơnêi têa pin veăng leh k^ mơ-éa chôu vế ‘na hbrâ mơdât mâu ngế xông tơplâ xâ pơla Khu tơru\m mâu kong têa peăng mâ hâi lo châu Á [a\ Chin phuh Australia, veăng leh phiu ro mơjiâng pro kêi đeăng {ơrô teăng mâ Rơ’jíu Việt Nam a pơlê kong xiâm Sydney, trâm mâ khu tê mơdró ki rơkê Việt Nam a Australia.

Kơxo hâi lơ 16/3, pôa Nguyễn Xuân Phúc hiăng veăng a Hneăng hôp Khu kăn xiâm ASEAN – Australia [a\ trâm mâ, pêi cheăng [a\ mâu Grup pơkuâ, khu mơ’no liăn cheăng kân péa tơnêi têa Việt Nam – Australia.

A mâu roh trâm mâ, Ngế pro xiâm hnê ngăn tơnêi têa [a\ khu kăn pơkuâ mâu khu xiâm, kơvâ cheăng hiăng tiâ, mơnhên mâu tơdroăng kơ-êng, châ mâu khu mơ’no liăn cheăng kong têa Australia veăng tơpui tối.

Ngế pro xiâm hnê ngăn tơnêi têa loi tơngah, kô ai môi roh mơ’no liăn cheăng nếo dêi Australia a Việt Nam tung la ngiâ kố ah.

A Sa Ly tơplôu [ă tơbleăng