Pơlê kong kơdrâm Đà Lạt, kong pơlê Lâm Đồng nôkố ai 2.900 ha tơnêi pro hngêi nhĕng pêt tơmeăm a kĭng pơlê kong kơdrâm. Ki hên ƀăng tơnêi pro hngêi nhĕng kố châ kuăn pơlê bro xêh, ôh tá tơniăn tro tiô pơkâ ‘na kong prâi, tơnêi tơníu; ôh tá ai tíu ki gô̆m ‘măn têa, ki tơxâng, tơvât tung kơpong kuăn pơlê rêh ối ƀă hên ki ê.
Kố cho môi tung mâu xiâm kối pro têa kong mê ôh tá kâi châ hiu lo, pro lân lu ó a kơpong tíu xiâm pơlê kong kơdrâm. Vâ kơdroh tơdroăng kố, tơmiât troh tơdroăng ki ‘nhiê tah tâi tâng hngê nhĕng ki pêt tơmeăm a kĭng pơlê kong kơdrâm Đà Lạt, pakĭng mơjiâng bro hên tíu ki pêt tơmeăm pa kong châ tơƀrê vâ po rơdâ tơnêi pêt, kong pơlê hiăng pơkâ thế Hngêi rak liăn Tơnêi têa Việt Nam túa pêi cheăng a Lâm Đồng hriăn ngăn, xúa mâu kơxô̆ liăn ăm mung kơjo ƀă tâi tâng kơxô̆ liăn lối 4.800 rơtal, vâ kuăn pơlê pêi chiâk pa kong. Nôkố, pơlê kong kơdrâm Đà Lạt, dế tơbleăng 30 tíu ki pêt reăng, pôm, plâi a kong.
Viết bình luận