Dak Lak: Mơdêk tơdroăng xúa vaccine hbrâ mơdât pơreăng châi klêa a chu Châu Phi
Thứ tư, 14:00, 27/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo hâi lơ 26/12, Khu xiâm ngăn ‘na chiâk deăng ƀă mơnhông thôn pơlê dêi kong pơlê Dak Lak tơrŭm ƀă Kŏng ti veăng tơlo liăn AVAC (Mơnhông ƀă pêi pro, tê mơdró vaccine a mơnăn păn) Việt Nam tơkŭm po hôp tơbleăng troăng rơhlâ xúa vaccine hbrâ mơdât pơreăng châi klêa chu Châu Phi tung kong pơlê Dak Lak .
Troh khế 7 hơnăm 2023, tâi tâng hiăng ai lối 650.000 klŏng vaccine mơdât pơreăng châi klêa chu Châu Phi châ séa ngăn ki xêt lơ ôh 100%; xúa pâk tơniăn tiô troăng hnê mơhno a lối 30 to kong pơlê, pơlê kong kân tung lâp tơnêi têa.
Tiô pôa Trần Ngọc Sơn, Kăn phŏ pơkuâ ngăn păn mơnăn dêi kong pơlê Dak Lak, troh nôkố, pơreăng châi klêa chu Châu Phi hiăng hlo ai a 680 rơpŏng dêi 13 tơring. Tâi tâng kơxô̆ chu tâ pơreăng hlâ ƀă prâu tah ai 4.840 to. Ta troh nôkố, lâp tung kong pơlê Dak Lak ai 5 tơring ki ai pơreăng châi klêa chu Châu Phi hâi teăm luâ 21 hâi.
Tơdroăng pâk vaccine AVAC ASF LIVE châ ăm phêp ƀă xúa pâk kô tâk ki tơƀrê tung hbrâ mơdât pơreăng châi klêa chu Châu Phi a kong pơlê.
Viết bình luận