Dak Lak dế nôkố ai lối 657 rơpâu ha tơnêi pêi chiâk deăng, mơnhông pêt mơjiâng mâu hdrê loăng ton hơnăm, môi tiah kơphế, kơxu, tiu, loăng hôt, plâi kâ. Tung mê kơphế châ vâ chê 213 rơpâu ha, châ xo lối 550 rơpâu tâ̆n rêm hơnăm. A roh hôp, mâu kăn hiăng vêh mơnhên ngăn ‘na tơdroăng pơkâ pêi pro tiô tơdroăng ki ‘mâi mơnhông tơdroăng pêt kong, maluâ tơdroăng pêt loăng kơphế kal athế tơtro tá tơdroăng ki pêt mơjiâng kong.
Mâu kăn ai tối tiah kố, túa pêi pro kố hiăng pro ai pơxúa kân khât ăm tơdroăng pêi cheăng kâ, mơdêk tơdroăng ki pơxúa ăm kuăn pơlê ki pêi chiâk pêi deăng. Ai tơdjâk kân khât troh pơlê pơla, kơnôm ing tơdroăng tơ’mot mơngế pêi cheăng ƀă thăm mơdêk ki kơnía dêi hnoăng pêi cheăng. Tơdrêng amê, túa ki pêi pro châ tơƀrê tro tiô hyôh kong prâi, kum kơdroh tơdroăng tôh têa dêi kơdrum loăng, rak vế tơniăn ăm tơnêi hngiêm, malối a rơnó mơdrăng khăng khoăng.
Viết bình luận