Dak Lak pơtối rak vế ki tơƀrê tơdroăng pơkâ môi cheăm môi tơmeăm
Thứ hai, 14:00, 11/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - A pơlê kong kơdrâm Ƀuôn Ma Thuột, Ƀơrô xing xoăng tơdroăng cheăng mơjiâng thôn pơlê nếo kong pơlê Dak Lak tơkŭm po lâm hriâm, hnê Tơdroăng rêm cheăm môi tơmeăm OCOP hơnăm 2023 ăm 150 ngế ki hriâm cho teăng mâ khu mơdró, Khu pêi cheăng, troăng rơhlâ ƀă rơpŏng pêi chiâk tung kong pơlê.
Tung pơla hriâm, mâu ki hriâm xuân hiăng tơpui tơno êng tiâ dêi rơpó, tối ăm dêi rơpó ‘nâi túa pêi cheăng, tơdroăng cheăng pêi ki tro, mâu troăng rrơhlâ ki pơxúa vâ tơkâ luâ xơpá, tơvâ tơvân drêng veăng pêi tơdroăng cheăng pơcháu.
Tiô pôa Dương Tín Đức, Ngế pơkuâ ƀơrô ‘na xing xoăng tơdroăng mơjiâng thôn pơlê kong pơlê Dak Lak: Kơ’nâi 6 hơnăm tơbleăng pêi tơdroăng OCOP, kong pơlê Dak Lak hiăng ai 152 tơmeăm pê lo châ mơnhên tơmeăm OCOP. Tung mê, ai môi tơmeăm châ pơxá 5 hơlŏng, 19 tơmeăm châ pơxá 4 hơlŏng ƀă 132 tơmeăm châ pơxá 3 hơlŏng.
Viết bình luận