A hneăng hôp, mâu ngế pê lo tơmeăm châ mơnhên OCOP péa kong pơlê Quảng Ngãi ƀă Dak Lak hiăng tối tơbleăng ƀă tối ‘na mâu tơmeăm pê lo ki lĕm krúa krê dêi tơrêm kong pơlê mê cho: Têa măm Mười Quý, toih Lý Sơn, loăng hâng Trà Bồng, cau têa kroăng Trà dêi kong pơlê Quảng Ngãi; tơpoăng kơphế ki dâi lĕm, sầu riêng têng khăng, plai mắc ca, ca cao, chế plâi kâu dêi kong pơlê Dak Lak.
Kố cho mâu tơmeăm pê lo ki xiâm dêi péa kong pơlê, ki mơdêk tăng tíu tê a mâu tíu xing xoăng tê tơmeăm vâ mơnhông tơƀrê kơchơ mơdró châ tê tơniăn a tơrêm kong pơlê ƀă tung lâp tơnêi têa.
A hneăng hôp, kăn teăng mâ lối 20 khu pê lo tơmeăm dêi péa kong pơlê hiăng kĭ tung hlá mơ-éa tơhrâ pâ vế tơrŭm cheăng ƀă dâng 50 tomeăm pê lo ing chiâk deăng châ mơnhên OCOP ƀă tơmeăm hmâ pê lo dêi kong pơlê.
Viết bình luận