Ing mê, Vi ƀan kong pơlê Dak Lak pơkâ thế Kăn xiâm hnê ngăn Vi ƀan mâu tơring, pơlê kong krâm, kong kơdrâm hnê mơhno mâu ƀơrô, khu cheăng tơdjâk troh, mâu khu tơrŭm cheăng, mâu ngế ki pêi pro, tê mơdró kơphế tung kong pơlê pơkâ mơdêk kring ngăn kơtăng deăng kơphế troh a rơnó krí xo; mơdêk hnê tối, mơhnhôk mâu khu tơrŭm cheăng, mâu ngế pôi tá krí kơphế ối ‘miê, thế tơniăn kơphế tum drêng kí châ 85% (tâng krí mơ’nui rơnó, kơxô̆ kơphế tum châ 80%).

Pakĭng mê, ai tơdroăng pơkâ pơxâu kơtăng ƀă mâu ngế ki lâi krí kơphế ki ối ‘miê, tê rôe kơphế ối kơbâng; hnê kuăn pơlê pro plông têng, têng ƀă kơmăi vâ hbrâ drêng krí tro dế mêi ton chiâng tơdjâk ki lĕm dêi plâi kơphế.