A rôh hôp hiăng tơmâng xo hên rơkong tơpui tối dêi mâu khu mơdró kâ tơkŭm hên tung mâu tơdroăng môi tiah: Hnoăng cheăng chêh inâi, chêh tối mâu tơmeăm khoăng, tơdroăng ôh tá nâp hnoăng liăn mơhá; tê mơdró tơrŭm, mơgêi ‘no hrê liăn nâp hnoăng mơhá krê, pêi lo liăn dêi khu mơdró kâ; troăng hơlâ kơjo kum ‘na nâp hnoăng liăn mơhá; troăng hơlâ mơdrếo liăn nâp hnoăng mơhá ăm khu mơdró kâ mâu kế tơmeăm pêi lo ing chiâk deăng; mơ-éa đơn điê̆n tưh.
Pôa Bùi Văn Chuẩn, ngế xiâm ngăn nâp hnoăng liăn mơhá kong pơlê Dak Lak ăm ‘nâi, mâu rơkong tơpui tối, pâ thế dêi mâu khu mơdró kâ kô châ kơnâ nâp hnoăng liăn mơhá tơmâng ƀă mơ’no tối mâu troăng hơlâ vâ mơdêk túa ki hơ’lêh chêh hlá mơ-éa, mơdêk ki tơƀrê tung pơkuâ ngăn tung pơla pêi pro nâp hnoăng liăn mơhá, chêh tối mâu kế tơmeăm khoăng, nâp hnoăng liăn mơhá ƀă hên ki ê pro tơ’lêi hlâu ăm mâu khu mơdró kâ mơjiâng pro, tê mơdró châ tơƀrê.
Viết bình luận