Dak Lak: Yă kơphế to kơnâ, Khu mơdró kâ tê ngi kong têa ê tâk, châ mơdât ki ôh tá mơhúa
Thứ năm, 06:00, 21/12/2023
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Kong pơlê Dak Lak nếo ai tơdroăng tối tơbleăng ‘na klêi kơ’nâi rơnó krí kơphế 2022 – 2023. Ki rơhêng vâ tối, lối môi hơnăm hdrối kơphế ki hên hlo to kơnâ yă hiăng pro tâk kơlo ki ôh tá tơchĕng tơmiât tung pêt. La troăng tơmiât kố xuân pro ăm tơdroăng ki pơloăng mơnúa ăm mâu khu mơdró kâ ki tê kơphế ngi kong têa, pơkâ mơ’no tơdroăng ki rơhêng vâ hên tâ ƀă tơdroăng ki pơkuâ ngăn ki ôh tá mơhúa.
Nôkố Dak Lak ƀă mâu kong pơlê kơpong Tây Nguyên dế krí dêi kơphế rơnó 2023 – 2024 ƀă yă kơphế kloăng cho ing 58 – 60 rơpâu liăn/1kg, cho kơlo tê tung rơnó ki xiâm kơnâ má môi ing hdrối nah troh nôkố.
Tiô pôa Lê Thanh Sơn, Kăn pơkuâ Marketing Kŏng ti pêi cheăng tiô rơnó môi tung khu Tê kơphế ngi kong têa ê Lơ 2/9 Dak Lak, kơlo yă nôkố cho pơxúa ăm kuăn pơlê pêi chiâk ƀă kơvâ kơphế, la pơkâ mơ’no hên pơloăng mơnúa ăm mâu tíu pêi cheăng roê tê kơphế ngi kong têa ê.
Rơtế môi tơdroăng ‘na kloăng, khu mơdró kâ ki tê kơphế ngi kong têa ê kal kơxô̆ liăn tâk péa hdroh tơdế rơnó hdrối, tơdrêng amê hlối trâm ôh tá mơhúa ki pơ’lêh yă ôh tá ‘nâi hdrối.
Viết bình luận