Tung mê, krê kơvâ kơphế châ 490 rơtuh dollars, mâu plâi kâ tê ăm kong têa ê châ 120 rơtuh dollars. Tối a hneăng hôp mơgêi kơvâ tê mơdró, pôa Đoàn Ngọc Có - Kăn phŏ ngăn ‘na Chiâk deăng ƀă mơnhông thôn pơlê Gia Lai ăm ‘nâi, tơdroăng kố kơnôm tơrŭm krá pơla kơvâ pêi chiâk ƀă kơvâ tê mơdró.
Nôkố lâp tung kong pơlê ai lối 256 rơpâu ha loăng plâi ki xiâm châ pêt tiô pơkâ tê ăm kong têa ê mê cho GlobalGAP, Rain Forest, Oganic, 4C,… Tung mê ai lối 58 rơpâu ha hiăng châ mơnhên xiâm rêi pêi pêt ƀă hrĭng rơpâu ha hiăng ai inâi tung mâu tơdroăng tơrŭm pêi pêt, uâ pơliê, pơla kuăn pơlê - khu mơdró, veăng ai lối 200 khu pêi cheăng tơrŭm, kum tơdroăng tê tơmeăm châ tơ’lêi tâ.
Tung hơnăm 2023, kơvâ pêi chiâk ƀă tê mơdró xuân po hên hneăng hôp tơpui mơnhông tơƀrê mâu kơvâ pêi chiâk tiô troăng krá tơniăn, tơkŭm po rơdâ kơchơ tê mơdró a mâu kong têa ki veăng kĭ Tơhrâ tê mơdró tơniăn mê cho: EU, Nhuk, Hàn Quốc…; mơdêk rơdêi tơdroăng tê mơdró, tăng khu tơrŭm cheăng tê mơdró.
Viết bình luận