Gia Lai: Ngế xiâm pơkuâ Lê Minh Hoan tối ăm khu mơdró kâ ‘na mơdêk ki kơnía kơvâ kơphế
Thứ ba, 13:45, 14/11/2023
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Drêng rôh lăm pôu ƀă veăng ai mâ a Măng tĭng po Mơhno túa lĕm tro Ôm hyô Gia Lai 2023, ngế xiâm ngăn chiâk deăng ƀă Mơnhông thôn pơlê Lê Minh Hoan hiăng ai rôh trâm mâ,tơpui tơno rơtế ƀă mâu khu mơdró kâ pêi kơphế a kong pơlê tâ tá tơdroăng vâ mơdêk ki kơnía kơvâ kơphế.
Hlo tơdroăng ki ai hlâu rế tâk kơnía dêi kơvâ kơphế, apoăng hơnăm 2023, Vi ƀan hnê ngăn kong pơlê Gia Lai mơjiâng Khu hnê mơhno tơdroăng tơkêa pơkâ bro kơpong pêi chiâk deăng, pêt loăng châ tiô pơkâ vâ tê tung tơnêi têa ƀă tê ngi kong têa ê a kong pơlê Gia Lai pơla hơnăm 2022 – 2025.
A rôh trâm mâ, Ngế xiâm pơkuâ Lê Minh Hoan hiăng tối mâu víu ngăn ki nếo ‘na mơdêk ki kơnía kơphế sap ing tơdroăng tơrŭm vâ mơjiâng inâi tơdjuôm ‘na kơphế Gia Lai, mơjiâng ƀă mơdêk mâu ki kơnía nếo ăm kơphế kơnôm ing túa mơdêk ki kơnía dêi kế tơmeăm pêi lo ing chiâk deăng dêi tơnêi têa ki a chê.
Viết bình luận