A hneăng hôp, tâi tâng mâu rơkong tơpui: tơdroăng hbrâ têa tôh tung mâu tơdroăng ki kal tung mơnhông cheăng kâ – rêh ối pơlê pơla rĕng ƀă krá tơniăn.

Pêi pro tơdroăng xiâm pơkâ pêi ƀă pêi pro nhên mâu pơkâ pêi troh, hnoăng chăng, Pơkâ pêi ƀă troăng pêi pro Pơkâ hbrâ ví kong prâi hơ’lêh ƀă long rơchôa hno têa hneăng 2021 – 2030, pơkâ pêi troh hơnăm 2050, pôa Nguyễn Hoàng Hiệp pơkâ thế mâu kơ koan, tíu cheăng ối tung Khu xiâm tơrŭm krá tơniăn ƀă mâu khu xiâm, kơvâ cheăng ƀă kong pơlê thăm pơtâng tối, tơbleăng mâu tơdroăng xiâm dêi pơkâ pêi troh mâu râ, mâu kơvâ cheăng, mâu khu tơrŭm cheăng krê, vâ mơjiâng tơdroăng môi tuăn ‘na hlê plĕng ƀă khŏm mơ-eăm hên, mơ-eăm kân, pêi pro kơtăng, châ tơbrê tung pêi pro pơkâ pêi.