Ki tơƀrê tung pêt alâi tiô túa hơ’lêh nếo a Dak Lak
Thứ ba, 14:17, 05/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo hâi lơ 4/12, Tíu xiâm tí tăng ‘nâi plĕng alâi tơkŭm po hôp mơgêi túa pêi cheăng tung tơdroăng “Mơjiâng ƀă pê klêi tơdroăng cheăng pêt alâi tiô túa nếo ‘na cheăng kâ ki hơ’lêh’’ a Dak Lak.
Tơdroăng kố châ mơnúa pêt a 2 kơpong kong kế cho péa kơpong tơnêi hơpok lĕm cho Sơn La ƀă Dak Lak ƀă deăng pêt 8 ha. A Dak Lak châ pêt a tơnêi 2 ha alâi dêi pôa Lê Kỳ Minh, bêng Tân Hòa, pơlê kong kơdrâm Ƀuôn Ma Thuột. Hdrê alâi mê xúa cho hdrê LVN66 xua Tíu xiâm tí tăng hriăn pro alâi lai, phon rơvât, túa choi phon NPK Đầu trâu xua Kŏng ti veăng tơlo liăn Bình Điền mơjiâng pro.
Luâ 80 hâi sap hâi pêt troh đôu xo, ăm hlo châ xo ing túa pêt xúa hdrê alâi LVN66 xông kân lĕm, tơdâng tơ ‘mô, hlá ngiât lĕm. Ai ivá kâi trâng ƀă mâu ôa hdrong, kuăn kiâ kâ ‘nhiê. Châ xo sap 74 - 78 tâ̆n/ha, pro pơxúa ăm châ xo dêi rơpâ lối 30 rơtuh liăn/ha.
Viết bình luận