Pơtối mê, Vi ƀan kong pơlê Kon Tum pơkâ mâu khu cheăng, kơvâ cheăng séa ngăn vâ tơniăn môi tuăn ‘na kơxô̆ pro, tíu pro tung hô sơ ƀă tơnêi tơníu; ‘na tơdroăng kong ƀă khu kong. Rơtế ƀă mê mơjiâng hô sơ, tơbleăng râ ai hnoăng mơnhên, kĭ hô sơ pêt kong ki teăng ƀă xúa loăng kong tung ƀăng deăng kong pơ’lêh xiâm kối xúa chiâng pêi ki ê.

Vi ƀan kong pơlê Kon Tum xuân tơtrŏng mâu tíu cheăng, kơvâ cheăng bu tơbleăng râ ai hnoăng séa ngăn pơhlêh xiâm kối xúa kong drêng xúa tŭm mâu tơdroăng pơkâ dêi Luât kong ƀă mâu pơkâ dêi luât ai tơdjâk; ai troăng chêl thiăn, tăng tơnêi, tơniăn tơbleăng tơdrăng khât; tơdroăng pêi pro tơdroăng tơkêa pro ôh tá pro châ lo pakong tơmeăm khoăng dêi tơnêi têa, ôh tá lôi ăm ai tơdroăng xăm tối, tơdjâk troh kuăn pơlê, gâk kring tơniăn ƀă tơdroăng rêh ối dêi kuăn pơlê.