Tơdroăng châ pêi pro tung 3 khế (sap ing khế 3 troh khế 6/2024), pơkâ pêi plah cho 10.000 xiâm loăng sầu riêng tung kong pơlê Dak Lak kô châ xúa kŏng ngê̆ mah QR ƀă taih phân mêm Bandocayxanh.vn. Ing kố, têm ngế tơmâng kô chiâng ‘mot mah kơxô̆ ƀă ngăn tơdroăng inhên ‘na rêm xiâm loăng, môi tiah: kơpong pêt, hdrê pêt, drêng pêt loăng, tơdroăng rak ngăn, lơ inhên tâ cho mâu tơdroăng kơxô̆ ‘na xiâm xŏn to lâi, kân to lâi ƀă um loăng tiô rêm hneăng xông kân.

Tơdroăng ‘’Xúa kŏng ngê̆ plâi sầu riêng  a lơgât loăng ngiât’’ ôh tá xê to mơhno hnoăng djâ troăng ahdrối droh rơtăm Dak Lak tung pơhlêh xúa kŏng ngê̆ mê ối kum ƀă khu râ kăn pơkuâ, kuăn pơlê, khu tê mơdró, mơjiâng ƀă mơnhông kơvâ plâi sầu riêng krá tơniăn.