Lâm Đồng cho kong pơlê ai tơmeăm rơdêi ‘na pêt mơjiâng tơmeăm pêi lo ing chiâk deăng xúa kŏng nghê̆, ƀă hên tơmeăm pêi chiâk deăng ki ô eăng châ mơjiâng pro ing kơchâi drêh, reăng, chếi, kơphế, atiso ƀă mâu tơmeăm plâi kâ ki kơnâ liăn.

Vâ tơniăn tơdroăng pêt mơjiâng tơmeăm, tơniăn tíu tê, po rơdâ kơchơ tê tơmeăm tung tơnêi têa ƀă tê ngi kong têa ê, kong pơlê Lâm Đồng đi đo tơkŭm po mâu lâm hnê pơtâp tê mơdró, hbrâ tơdroăng ki rơkê ‘na veăng mâu pơkâ tê mơdró ăm mâu khu tê mơdró. Tơdrêng amê, thăm pêi pêi pro mâu tơdroăng tơkêa bro tŏng kum khu tê mơdró mơnhông mơdêk tê mơdró điên tưh, tơbleăng inâi, mơdêk ivá tơbriêt cheăng, ti tăng kơchơ tê mơdró ing mâu kơchơ mơđah tơbleăng kế tơmeăm ƀă tơbleăng tơmeăm.