Tung kơxô̆ kố, ai 9 tơmeăm 5 hơlŏng ƀă 92 tơmeăm 4 hơlŏng. Kố cho mâu tơmeăm kơpong kuăn pơlê pêi chiâk deăng ki má môi dêi mâu khu tê mơdró, Tôh tơrŭm cheăng ƀă Khu tơrŭm cheăng a kong pơlê. Vâ mơdêk châ tơƀrê tơdroăng OCOP, rơtế ƀă thăm tŏng kum kuăn pơlê pêi chiâk deăng pêt mơjiâng tiô troăng mơdêk ki dâi lĕm, ki kơnâ tơmeăm pêi lo ing chiâk deăng, Lâm Đồng ối mơdêk mâu tơdroăng tơrŭm tơdjêp pêt mơjiâng tơmeăm khoăng, rôe tâi tơmeăm pơla kuăn pơlê ƀă khu tê mơdró.
Pakĭng mê, kong pơlê ối tŏng kum rơtal liăn vâ in tơdrong tâ, QR Code, mơjiâng ƀă kĭ inâi; tŏng kum mơ’no liăn rôe tơmeăm khoăng, kơmăi kơmok, xúa khoa hok kŏng ngê̆, pêi kêi đeăng tơdroăng mơjiâng kế tơmeăm khoăng; tơkŭm po hnê mơjiâng, hnê mơhno mơdêk ivá pơkuâ... ăm mâu khu tơrŭm cheăng, ngế krê.
Nôkố Lâm Đồng dế pơtối tŏng kum mâu khu tê mơdró, Tôh tơrŭm cheăng ƀă Khu tơrŭm cheăng tung kong pơlê tơkŭm mơjiâng mâu tơdroăng ki kal ƀă tŭm vâ la ngiâ châ mơnhên tơ’nôm chât tơmeăm châ plâh OCOP tung hơnăm kố.
Viết bình luận