Mơdêk pêi pro ƀă tê mơdró krá ton ‘na kloăng tiu Việt Nam
Thứ ba, 13:53, 21/11/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 20/11, tơkŭm po Hriăn plĕng Tê mơdró krá tơniăn ton tơriŭm ƀă Mâu khăn dêi khu tơrŭm châu Âu a Việt Nam, Khu xiâm ngăn hdrê loăng ƀă pơkeăng xôh kơdê ôa hdrong, Khu ngăn kloăng tiu ƀă mâu hdrê loăng ki xú hŏm lĕm dêi Việt Nam tơkŭm po mơgêi tơdroăng Tơkêa bro “Mơdêk pêi pro ƀă tê mơdró krá tơniăn ton tiu Việt Nam”.
Tơdroăng tơkêa pro tung pơla hơnăm 2021-2023 a 3 to kong pơlê Dak Lak, Dak Nông ƀă Gia Lai. Plâ 3 hơnăm tơbleăng, tơdroăng tơkêa bro hiăng veăng ‘mâi hơ’lêh tơdroăng rêh ối dêi vâ chê 8.000 rơpŏng kuăn pơlê pêt tiu a tơnêi 8.500 ha; kum mâu khu mơdró pêi pro, têng uâ pơliê tiu tơniăn.
Tơdroăng tơkêa bro hiăng mơhnhôk veăng dêi 12 khu mơdró, khu pêi cheăng tơrŭm ƀă tê tiu ăm kong têa ê ki má môi dêi Việt Nam; 14 khu mơdró tơmeăm pê lo ing chiâk deăng châ mơjiâng ăm tơmeăm tê, hnê tối ăm kuăn pơlê ƀă séa ngăn tơdroăng xúa trếo pơkeăng xôh loăng plâi klêi mê thế ‘nâi ‘măn krâu lĕm.
Tung 3 hơnăm, 160 hnoăng po hnê ăm kuăn pơlê ki pêi chiâk hriâm, veăng tơbleăng tơdroăng cheăng pêi ƀă hnê xúa pêi pro tung pêi chiâk ki krâu lĕm.
Viết bình luận