Tiô tối tơbleăng dêi Khu xiâm ngăn tơmeăm khoăng têa ƀă hyôh kong prâi, Hlá mơ-éa Luât tơnêi tơníu ƀă tơmeăm khoăng tung kơdâm tơnêi luât pơkâ tŭm tâi tâng mâu tơdroăng troăng rơhlâ dêi Đảng, Tơnêi têa ‘na rak ngăn tơmeăm khoăng têa ƀă rak hyôh kong prâi, troăng vâ pêi ‘na tơnêi tơníu, tơmeăm khoăng tung kơdâm tơnêi ƀă kơmăi chiâ xo tơmeăm khoăng troh hơnăm 2030, tơdroăng vâ pêi troh hơnăm 2045.
Tối mơgêi a rôh hôp, pôa Trần Hồng Hà pơkâ thế: Tung tơdroăng cheăng chiâng ‘mâi rơnêu dêi tơdroăng tơkêa Luât, tơpui troh tơdroăng cheăng pêi pro, tê mơdró, vâ kơ’nâi mê ai pơkâ nhên hnoăng cheăng ăm tơrêm Khu xiâm, kơvâ cheăng, ƀă pơkâ ‘na xo liăn ăm hnoăng chiâng phêp pơkâ, Ngế pro xiâm phŏ hnê ngăn tơnêi têa pơcháu ăm Khu xiâm ngăn tơmeăm khoăng têa ƀă Hyôh kong prâi tơrŭm ƀă Khu xiâm rak liăn pê klêi pơkâ tro tiô troăng ki thế chiâng mơjiâng pro, hbrâ rơnáu nhên ‘na kơchơ mơdró lâp plâi tơnêi vâ ‘nâi xiâm ki pro yă chiâ xo tơmeăm khoăng tung kơdâm tơnêi, ing mê xo liăn ki chiâng ăm phêp. Ƀă mâu túa tơmeăm khoăng ki kơnâ ki kal thế séa ngăn mê Chin phuh pơkâ nhên ‘na mâu tơdroăng vâ pêi.
Viết bình luận