A hôp tơpui tơno mâu kăn teăng mâ châ mâu ngế rơkê, ngế cheăng khoa hok tối mâu tơdroăng, mê cho: Mơdêk hlê plĕng ƀă pơhlêh troăng tơmiât nếo, ki kal dêi tơdroăng pơhlêh xúa kŏng ngê̆ ăm khu tê mơdró pêi chiâk deăng tê tơmeăm pêi lo ing chiâk deăng; Tơdroăng ai khât ‘na tê tơmeăm khoăng pêi lo ing chiâk deăng, troăng tah lôi mâu tơdroăng pá puât tung pơhlêh pêi cheăng xúa kŏng ngê̆ tung kơvâ Pêi chiâk deăng kong pơlê Gia Lai.

Klêi mê, mơjiâng troăng pêi mơdêk tê mơdró offline ƀă online mơdêk tê tơmeăm mâu tơmeăm OCOP ƀă tơmeăm pêi lo ing chiâk deăng krúa lĕm mâu kong pơlê Tây Nguyên; Châ xúa kŏng ngê̆ tŏng kum tơdjêp 5 kong pơlê Tây Nguyên tê mơdró tơmeăm pêi lo ing chiâk deăng ƀă kơchơ tê mơdró tung tơnêi têa ƀă lâp plâi tơnêi.

Tiê̆n sih Phùng Thị Kim Huệ - Kăn hnê ngăn Hô̆i đong pơkuâ Kơ koan hriăn plĕng ivá ƀă mơnhông hnê hriâm Tây Nguyên tối, xúa pơhlêh tung pêi chiâk deăng cho troăng pêi ki tro. Drêng mê tíu tê dêi tơmeăm pêi lo ing chiâk deăng mâu kong pơlê Tây Nguyên kô châ tơleăng lĕm tâ.