Lâp kong pơlê Dak Lak nôkố ai dâng 22 rơpâu 500 ha sầu riêng, tung mê ai vâ chê 11 rơpâu ha dế krí xo. Plâi sầu riêng châ pêt ki hên a mâu tơring Krông Păč, Krông Năng, Krông Ƀúk, Ea Hleo, Čư̆ Mgar, Čư̆ Kuiñ ƀă pơlê kong kơdrâm Ƀuôn Ma Thuột.
Pôa Vũ Đức Côn, Kăn phŏ pơkuâ ngăn ‘na Chiâk deăng ƀă Mơnhông thôn pơlê kong pơlê Dak Lak - Ngế pơkuâ khu ngăn plâi sầu riêng Dak Lak khĕn kơdeăn, hơnăm kố plâi sầu riêng dêi kong pơlê ai yă, châ xo hên drêng pêi châ a kơlo 18-20 tâ̆n plâi rêm ha. Tâi tâng kơxô̆ plâi châ xo tung hơnăm 2023 kố châ lối 214 rơpâu tâ̆n, luâ tâ kơxô̆ ki tối tơbleăng hdrối ai 195 rơpâu tâ̆n apoăng rơnó.
Ƀă yă tê a kơlo 55 rơpâu - 75 rơpâu liăn 1 kilô (ngăn tiô kơ plâi lĕm lơ ôh), kơxô̆ liăn châ xo ing tê plâi sầu riêng châ hên vâ chê 15 rơpâu rơtal liăn. Rêm ha ôh tá riân kơxô̆ liăn pêt mơngế ki pêt ối châ xo dêi tơkâ ing 800 troh lối 1 rơtal liăn.
Viết bình luận