Kố cho tơdroăng ki châ mơ’no tối a rôh hôp tơbleăng tơdroăng tơkêa “Pêt kơphế hmâ ƀă kong prâi hơ’lêh a Việt Nam” xua Khu ngăn chiâk deăng ƀă Mơnhông thôn pơlê kong pơlê Dak Lak tơrŭm ƀă Khu rơrŭm Mơnhông Hà Lan SNV tơkŭm po a kơxê lơ 6/3.
Tơdroăng tŏng kum ăm kong pơlê Dak Lak kơnâ lối 18 rơtal liăn. Hâi khế pêt cho ing khế 1/2024 troh khế 10 hơnăm 2028, a mâu kơpong pêt kơphế ki xơpá dêi kong pơlê.
Ki xiâm dêi tơdroăng tơkêa kố cho hơ’lêh túa rêh ối cheăng kâ ăm 8 rơpâu rơpŏng ki kŭm a kơpong pêt kơphế xơpá ‘na têa tôh ƀă tá hâi châ veăng tung tơdroăng kơphế châ mơnhên ing hnê hriâm ‘na pêt, rak ngăn, ing mê, mơdêk ki hlê plĕng xúa têa tơtro, ai hên sinh hok, kơdroh tơdroăng ki rơlối trếo pơkeăng tung kế tơmeăm pêi lo ing chiâk deăng, rak vế ivá châ chăn ăm ngế pêi cheăng; mơdêk tơƀrê tơdroăng ki pơkuâ ngăn liăn ngân dêi mâu rơpŏng pêt kơphế tung tơdroăng ki kơdroh trếo mơ’no, krá tơniăn hmâ ƀă kong prâi pro hơ’lêh.
Viết bình luận