Tiô khu tơkŭm po mơgêi hneăng tơơ’noăng rah mê a kơxê hâi lơ 25/3, hiăng ai 145 túa kơphế, a lâp lu mâu kơpong ki pêt tung lâp tơnêi têa, pơtroh ăm hneăng tơ’noăng, ăm 61 túa ki vâ pơchông ƀă hơnăm 2023, tơ’mô ƀă kơlo ki tâk vâ chê 74%. Nôkố, Khu tơkŭm po dế  pơxiâm hbrâ po hneăng tơ’noăng mơgêi rah má mơ‘nui ƀă tơdroăng klâ xoăng ƀă  tơvât mâu túa kơphế ki tơ’noăng.

Mơgêi hneăng tơ’noăng kô po sap hâi lơ 26  troh hâi lơ  27/4 la ngiâ mâ ƀă mâu kơphế ki tơ’noăng kô tơbleăng kơ’nâi mê 1 hâi, tơdrêng ƀă tơdroăng diâp ăm Hlá mơ-éa mơnhên, Cup tơbâ dêi Khu tơkŭm po ƀă Ƀâng kơdeăn khĕn dêi Vi ƀan kong pơlê Dak Lak.

Pôa Lê Đức Huy, Ngế pơkuâ Kŏng ti pêi cheăng tiô rơnó Môi tung khu mơ’no tê rôe kơphế lơ 2/9 kong pơlê Dak Lak ăm ‘nâi, Khu mơdró rơtế bă veăng kum tê mơdró kơphế ki xú lĕm dêi Việt Nam, mâu troăng tơbleăng pơkâ tung Top 10 dêi hneăng tơ’noăng hơnăm kố, kô châ veăng tơbleăng yă a Hà Nội.