Jâ Võ Thị Ánh Xuân, Kăn xiâm phŏ hnê ngăn tơnêi têa tối nhên Việt Nam ngăn Mih cho kong têa tơrŭm ki troăng ki kal tung la ngiâ ƀă rơhêng vâ rơtế ƀă Mih kơhnâ tơbleăng tơrŭm cheăng tơnêi têa tơrŭm tung la ngiâ tŭm têk xuân môi tiah mâu tơkêa dêi kăn pơkuâ râ xiâm péa tơnêi têa hiăng cha rơhéa tung rôh lăm pôu Việt Nam dêi pôa Joe Biden, Kăn xiâm pơkuâ kong têa a khế 9/2023, tung mê tơrŭm pêi chiâk deăng ƀă tê mơdró kế tơmeăm pêi lo ing chiâk deăng cho môi kơvâ cheăng ki châ kơjo.

Jâ Võ Thị Ánh Xuân, Kăn xiâm phŏ hnê ngăn tơnêi têa pơkâ thế Mih tơmâng tŏng tơdroăng ki rơkê plĕng ƀă tơrŭm ‘na khoa hok kŏng ngê̆ pêi chiâk deăng, tŏng kum Việt Nam hơ’lêh pêi chiâk deăng ƀlêi chiâng, tah lôi mâu tơdroăng hbrâ mơdât tê mơdró ƀă tơdroăng ki pá ‘na kih thuât ƀă kế tơmeăm pêi lo ing chiâk deăng Việt Nam, tơdrêng amê hlối tŏng kum ‘na kih thuât, kum kuăn pơlê Việt Nam pêi pro châ tơdroăng ki rơhêng vâ mâu tơdroăng pơkâ châ tê tung kơchơ tê mơdró Mih.