A Cần Thơ, kơxo lơ 3/11, Khu tơrŭm ngăn Kế kâ Việt Nam ƀă BizLIVE tơrŭm tơkŭm po rôh hôp tiah hmâ “Troăng mơdêk ki kơnía dêi phái Việt Nam”. Roh hôp kố po tung pơla kơchơ mơdró báu phái Việt Nam dế tơkâ luâ hên tơdroăng ki hơ’lêh.

Tung hên khế hdrối nah yă tê kố đi đo tung tơdroăng ki tâk. Tiô riân dêi Khu xiâm ngăn kơmăi kơmok ƀă tê mơdró, tiô riân 10 khế hdrối kố nah, Việt Nam tê châ 700 rơpâu tâ̆n, tơ’mô 433 rơtuh dollars. Tiô riân 10 khế dêi hơnăm kố, Việt Nam tê dâng 7,1 rơtuh tâ̆n phái, châ vâ chê 4 rơtal dollars, tâk 17% ‘na kơxô̆ phái ƀă tâk 35% ‘na ki kơnía tâng pơchông ƀă khế kố hơnăm 2022.

Tiô tối hdrối dêi tơdroăng tê phái ngi kong têa ê tung hơnăm 2024, tê phái dêi Việt Nam hơnăm kố mơni kô châ 8 rơtuh tâ̆n. A rôh hôp, mâu khu ki rơkê ƀă kăn teăng mâ khu mơdró kâ hiăng mơdoh hên chôu vâ tơpui tơno troăng kơmăi kmok ƀă kơxô̆ liăn ăm kơvâ báu phái vâ mơdêk ki kơnía dêi kế tơmeăm pêi lo ing chiâk deăng.