VOV4.Sêdang - Mâu hơnăm hdrối mê hía nah, kong pơlê Lâm Đồng hiăng ôh tá pơtê tơmâng ‘no liăn cheăng, kơjo kum [ă pro tơ’lêi hlâu ‘na tu\m tơdroăng ăm kơpong ki xahpá, hdroâng kuăn ngo vâ mơnhông tơ-[rê. Tơdrêng amê, ing tơdroăng ki hơ’leh rơdêi tung ‘nâi tơmiât túa pêi dêi kuăn pơlê, ing tuăn tơmiât ‘nâi vâ mơ-eăm cheăng kâ dêi kuăn pơlê tung kong pơlê mê hiăng hlo hơ’leh, kơxo# rơpo\ng kơtiê tung kong pơlê kơdroh re\ng nôkố ối 1,3%.

Hdrối nah, maluâ ai tơnêi, ai kơdrum môi tiah mâu rơpo\ng ki ê a cheăm Dà Mrông, tơring Đam Rông, la xua pêi tiô khôi ton ôh tá dâi le\m, tơ’nôm [ă hiâm mơno tơkôm to a Tơnêi têa, mê tơdroăng rêh ối rơpo\ng pôa Đa Cát Ha Dương xuân ối kơklêa plâ hơnăm. Sap ing hơnăm 2016, [ă tơdroăng ki hnê mơhno tá hiâm mơno dêi kăn [o# hnê pêi chiâk deăng, pôa hiăng khên tơnôu hơ’leh pêt mâu hdrê loăng, xúa khoa hok kih thuât tung pêi pêt.

Rơtế tơdroăng ki mung liăn kơjo kum sap ing hngêi rak liăn to\ng kum rêh ối pơlê pơla vâ mơnhông mơdêk cheăng kâ rêh ối, rơpo\ng pôa Đa Cát Ha Dương hiăng mơ-eăm hluăn ing kơtiê, ai tơdroăng rêh ối phâi tơtô.

‘’Rơpo\ng á pêt báu, kơphế sap ing hên hơnăm hdrối nah la tơdroăng rêh ối xuân ối xơpá. Sap ing hâi ki châ Tíu xiâm pêi chiâk deăng tơring hnê ăm kih thuât pêi pêt, mơhnhôk pêt loăng yâu păn hdrong, tơnêi têa kum liăn [a\ hên ki ê rơpo\ng á hiăng khên tơnôu pêi pêt. Ing tơdroăng ki păn hdrong mê hiăng ai liăn pêi lo rêm khế, tâng vâ pơchông [ă tơdroăng ki pêt báu, pêt alâi mê tơdroăng pêt loăng păn hdrong pêi lo liăn tơniăn, tung pơla 2 măng t^ng rơpo\ng á tê châ môi hdrôh hdrong, pêi lo liăn tơniăn. Rơtế [ă pêi lo liăn tơniăn sap ing mâu hdrê loăng pêt ki ê, nôkố, tơdroăng rêh ối cheăng kâ dêi rơpo\ng á hiăng tơniăn hên tâ’’.

Ngiâ méa nếo dêi tíu xiâm tơring Dam Rong (Lâm Đồng) môi tung 64 to tơring kơtiê tung lâp tơnêi têa

Ôh ti xê to Dam Rong, môi tung 64 tơring kơtiê ki ê dêi lâp tơnêi têa châ tơmâng ngăn, ‘no liăn [ă to\ng kum rêm tơdroăng, mê tâi tâng mâu cheăm, thôn, pơlê [ă mâu kơpong ki xơpá, pro tơ’lêi hlâu ăm kuăn pơlê mơnhông mơdêk cheăng kâ, mơ-eăm hluăn kơtiê. Môi tiah a cheăm Đoàn Kết, tơring Dà Huoai, tiô pôa Trần Văn Đông, kăn pơkuâ ngăn Đảng uỷ, xuân kơnôm ing mâu troăng hơlâ to\ng kum, tơdroăng ki ‘no liăn cheăng re\ng tơdrêng dêi Đảng, Tơnêi têa, tơdroăng rêh ối dêi kuăn pơlê hiăng hlo hơ’le re\ng khât.

Đoàn Kết hiăng re\ng châ hluăn ing inâi cheăm malối xơpá hdrối 2 hơnăm tâng vâ pơchông [ă túa pơkâ.

‘’Đảng [ă Tơnêi têa hiăng tơmâng ngăn, ‘no liăn cheăng sap ing hdrê pêt, mơnăn păn tá troh hngêi ối, tăng cheăng pêi ăm mâu rơpo\ng kơtiê, rơpo\ng xơpá pêi lo liăn tơ’nôm [ă ai tơdroăng rêh ối tơniăn tâ. Tâng hơnăm 2016 cheăm Đoàn Kết ối ai môi tung mâu cheăm kơtiê dêi tơring Dà Huoai, la troh hơnăm 2017 mê cheăm hiăng hluăn [ă ôh tá ai xếo cheăm kơtiê nếo’’.

Sap ing hơnăm 2016 troh nôkố, tâi tâng mâu kơxo# liăn ‘no cheăng ăm kơpong xơpá, kơpong hdroâng kuăn ngo dêi kong pơlê Lâm Đồng ai 3.700 rơtal liăn, mơjiâng pro hngêi trăng, troăng klông, kum mơnhông mơdêk cheăng kâ, mâu túa pơkâ cheăng ki nếo [ă hên ki ê. Tung mê, kơxo# liăn tơnêi têa ‘no cheăng tơdrêng ai 1.900 rơtal, u ối cho kơxo# liăn mơhnhôk sap ing mâu khu mơdró kâ, pơlê pơla kuăn pơlê.

Rơtế amê, Lâm Đồng xuân hiăng tơ’mot 115 tơdroăng tơkêa ‘no liăn cheăng tung mâu kơpong ki ai tơdroăng cheăng kâ rêh ối pơlê pơla, kơpong hdroâng kuăn ngo, [ă tâi tâng kơxo# liăn chêh inâi tâk troh 5.800 rơtal liăn.Sap ing kơxo# liăn kố, cheăng kâ rêh ối pơlê pơla dêi mâu kơpong malối xơpá, kơpong hdroâng kuăn ngo a Lâm Đồng hiăng ai hên tơdroăng ki hơ’leh, tơdroăng rêh ối liăn ngân dêi kuăn pơlê hlo mơdêk.

Nôkố, kơxo# rơpo\ng kơtiê lâp kong pơlê kdroh ối 1,3%, tung mê, rơpo\ng kơtiê tung kơpong hdroâng kuăn ngo kơdroh hên sap ing 19 chu ối 4,8%. Pôa Đinh Đức Chí, kăn pho\ hnê ngăn Vi [an tơring Lâm Hà, kong pơlê Lâm Đồng tối tiah kố, châ tơdroăng ki kố cho kơnôm ing tối tơbleăng tơdâng tơ’mô mâu troăng hơlâ tiô túa ki ai pơxúa, tơdrêng, [ă malối cho tơdroăng ki hơ’leh tung túa tơmiât, túa pêi [ă hiâm mơno mơ-eăm hluăn ing kơtiê dêi kuăn pơlê.

‘’Ngin hiăng tơku\m tối tơbleăng, hơ’leh túa tơmiât túa pêi, mơjiâng mâu túa pơkâ vâ hnê tối khoa hok kih thuât, mâu túa pơkâ to\ng kum mơnhông mơdêk cheăng kâ rêh ối châ tơ-[rê tung mâu tơdroăng pơkâ ‘mot tung kơpong hdroâng kuăn ngo, mâu tơdroăng tơkêa kố athế séa ngăn nhên tro tơdroăng ki ai khât dêi kuăn pơlê.

Tơdroăng rơhêng cho kal hdrê, mơnăn lơ kal khoa hok kih thuât, kal kơmăi kơmok mê athế séa ngăn tơrêm rơpo\ng vâ ai tơdroăng ki ‘no liăn cheăng tro tơdroăng. Kơnôm ing mâu tơdroăng tơkêa mê pơrá hiăng mơdêk ki tơ-[rê tung ‘no liăn cheăng’’.

Kong pơlê Lâm Đồng mơ-eăm tung mâu hơnăm la ngiâ, rêm to cheăm kô ăm kơxo# rơpo\ng kơtiê ai hên tơdroăng kơdroh iâ má môi sap ing 1 troh 1,5% rơpo\ng kơtiê, tung mê rơpo\ng hdroâng kuăn ngo kơdroh sap ing 2 troh 3%. Tung mâu tơdroăng ki hiăng pêi châ mê, rơtế [ă mâu troăng hơlâ tối tơbleăng tơdâng tơ’mô ki ai pơxúa, ki hơ’leh ‘na tơmiât tung pêi pêt, hiâm mơno mơ-eăm dêi kuăn pơlê, loi tơngah Lâm Đồng kô pêi châ mâu tơdroăng cho kong pơlê thôn pơlê nếo môi tiah tơdroăng pơkâ hneăng hôp khu kăn Đảng [o# kong pơlê ki nếo pơkâ mơ’no.

Quang Sáng chêh

Katarina Nga tơplôu [ă tơbleăng