Rơchôa têa Krông Pa] Thượng châ mơjiâng a kơpong tơkăng 3 tơring peăng mâ hâi lo dêi kong pơlê Dak Lak cho: Ea Kar, M’Drak [a\ Krông Bông. Cho rơchôa khu A, xua Khu xiâm pơkuâ ‘na pêi chiâk deăng [a\ mơnhông thôn pơlê pơkuâ mơ’no liăn. Pơxiâm pro a khế 6 hơnăm 2010, tiô tối hdrối klêi kơ’nâi 5 hơnăm mơjiâng pro kô kêi đeăng, kum tôh têa ăm vâ chê 15 rơpâu ha loăng plâi, xing xoăng têa ô hum rôh jíu ăm lối 72 rơpâu ngế tung kơpong.

Ki kreăng tung tơdroăng mơjiâng pro rơchôa têa Krông Pa] Thượng cho tơdroăng ki tăng tơnêi. Hneăng séa ngăn hdrối hơnăm 2008, tá ‘nâi hdrối tơdroăng ki xe\n ối, xua mê tiô tối hdrối tơdroăng tăng tơnêi, xe\n kuăn pơlê kơpong rơchôa têa bu pá kơdâm 200 rơtal liăn. Klêi kơ’nâi 10 hơnăm pơtê lôi, kơxo# liăn kal ăm tơdroăng tăng tơnêi hiăng tâk vâ chê 2 rơpâu rơtal liăn. Tơdroăng kố gá chiâng, rơchôa têa vâ mơjiâng kơxo# liăn mơ’no tâk 4 rơpâu 400 rơtal liăn, tâng pơchông [a\ tối hdrối apoăng cho tá hâi troh 3 rơpâu rơtal liăn.

Mơjiâng pro rơchôa têa Krông Pa] Thượng

Khế 7 hơnăm 2019, klêi kơ’nâi mơjiâng khu pêi cheăng ki phá tơ-ê, xua Kăn hnê ngăn Vi [an kong pơlê Dak Lak pơkuâ xiâm, hnê mơhno, tơleăng, tah lôi mâu tơdroăng ki ối tơvâ tơvân mê tơdroăng tăng tơnêi mê tơdroăng mơjiâng rơchôa têa Krông Pa] Thượng nếo pơtối pêi pro nếo. Pôa Nguyễn Đình Thìn, pho\ pơkuâ tơdroăng tơkêa bro mơ’no liăn mơjiâng pro troăng klông [a\ pêi chiâk deăng, mơnhông tơdroăng pêi chiâk deăng kong pơlê Dak Lak tối ăm ‘nâi: Mơhé xuân u ối pá puât, tơvâ tơvân, laga tơdroăng tăng tơnêi hiăng tơ’lêi hlâu:

‘’Nôkố ngin hiăng tăng châ 387 ha, tung mê ki rơhêng vâ tối 177 ha kơpong tơmeăm ki mơjiâng pro ki xiâm, tơniăn ăm tơdroăng mơjiâng pro dêi tơdroăng mơjiâng pro bêng tơnêi, mơ’no têa plế, mâu tơmeăm ki xiâm. Nôkố ngin dế tơku\m ki xiâm cho tăng tơnêi vâ pro rơchôa têa, mơ-eăm pêi kêi tơdroăng tăng tơnêi vâ mơjiâng rơchôa têa cho 800 ha ahdrối hâi lơ 31 khế 12 hơnăm 2020. Rơtế amê ngin dế tơku\m mơjiâng kơpong xe\n ối kơxo# 2, bê ăm 500 rơpo\ng xe\n ối ing kơpong rơchôa têa. Ngin hiăng tơru\m krá tơniăn [a\ mâu khu cheăng xuân môi tiah tơring; ki rơhêng vâ tối ing pơkuâ dêi Vi [an kong pơlê ing tơdroăng pêi 1740, [a\ tơdroăng pơkuâ trâu hơngế, tơdroăng tơmâng hnê mơhno dêi Khu pơkuâ hnê ngăn cheăng Đảng kong pơlê. Ngin ai troăng pêi mê cho: tơ’lêi, ki lâi tơ’lêi hlâu mê kơjo pêi hdrối, ki lâi pá puât mê ngin tơru\m [a\ mâu khu cheăng, kơvâ cheăng pâ rơkong hnê mơhno dêi Khu pơkuâ, Vi [an kong pơlê vâ tơleăng mâu tơdroăng ki xiâm’’.

Ko\ng ti Hoàng Dân mơjiâng pro plâ hâi plâ măng a rơchôa kơxo# 1

Nôkố Tây Nguyên dế mot tung rơnó mêi têa kân lân lu, khu ki mơ’no liăn cheăng hiăng pơkâ thế khu ki mơjiâng pro tơniăn tơkâ luâ têa kân lân lu, pêi kêi đeăng tro tiô pơkâ, tơniăn ki dâi le\m, kih thuât, pro ăm i le\m. Pôa Lê Khắc Tuyến, pho\ pơkuâ Tơmeăm khoăng ki mơ’no pro [a\ Mơjiâng pro long rơchôa têa 8, tối ăm ‘nâi:

‘’Klêi kơ’nâi châ Tơnêi têa ăm liăn tơ’nôm ăm khu ki tăng tơnêi mê troh nôkố hiăng pơcháu tâi tâng mâu [a\ng tơnêi [a\ tơmeăm pro ki xiâm. Nôkố rơchôa têa hiăng tât kơdât troăng têa roh 2. Nôkố hiăng mơjiâng pro plâ hâi plâ măng, tơniăn tơdroăng mơjiâng pro tơkâ hluâ têa kân lân lu, xuân môi tiah ki dâi le\m dêi rơchôa têa.

Tiô tối hdrối kô tât kơdât troăng têa ki xiâm vâ hdoăng têa tung rơchôa a khế 1 hơnăm 2021. ‘Na tơdroăng hbrâ ví têa kân lân lu dêi rơchôa têa hiăng châ khu cheăng mơjiâng pro tăng troăng hbrâ ví têa kân lân lu, hiăng hbrâ tơniăn ăm rơchôa têa, kơmăi kơmok xuân môi tiah kuăn mơngế a rơchôa têa’’.

Pôa Tống Kim Sơn, pơkuâ rơchôa têa kơxo# 1 ối tung Ko\ng ti pêi cheăng tiô rơnó môi khu mơ’no liăn mơjiâng pro tơmeăm Hoàng Dân, tối ăm ‘nâi: Ko\ng ti Hoàng Dân châ rah xo mơjiâng pro rơchôa, bêng tơnêi hmốu kơxo# 1 kơnâ 150 rơtuh liăn, [a\ xo\n cho vâ chê 500 met, a’ngêi 36 met. Klêi kơ’nâi tât kơdât troăng têa roh 2 a hâi lơ 12/3/2020 khu cheăng hiăng re\ng mơjiâng pro kêi đeăng.

A rơchôa têa kố nôkố, lối 100 rơxế ki pêi cheăng, mâu kơmăi kơmok rơxông nếo, [a\ 200 ngế vêh rơxế hơ’leh dêi pó pêi cheăng plâ hâi plâ măng.  Kơxo# tơnêi, hmốu, [ê tông kal bêng cho 1 rơtuh 200 rơpâu met kho#i. Pôa Tống Kim Sơn mơnhên nôkố a 80% tơdroăng cheăng akố hiăng kêi đeăng.

‘’Rơchôa têa ki ngin pro akố mê mơjiâng pro xuân ôh tá tơ’lêi hlâu xua kong prâi dêi Tây Nguyên drêng kong tô, drêng kong mêi hên. Laga kong prâi ôh tá tơniăn tiah kố, laga nho\ng o ngin xuân mơ-eăm pêi tâi ivá tơná vâ tơniăn tơdroăng mơjiâng pro xiân môi tiah ki dâi le\m dêi rơchôa têa. Krê kơmăi kơmok [a\ kuăn mơngế mê ngin klâ 3 khu pêi cheăng, pêi tá kơmăng đi đo. Mơjiâng pro dâi le\m, tơtro tiô khu pơkuâ cheăng pơkâ mơ’no’’.

Rơchôa têa Krông Pa] Thượng kô tôh ăm 15 rơpâu ha tơnêi pêi chiâk deăng, pro tíu hdoăng têa ăm 72 rơpâu ngế kuăn pơlê kơpong tơkêa bro. Rơchôa têa kêi đeăng kô kum ai têa tôh tơmeăm khoăng tung rơnó tô dêi kuăn pơlê peăng mâ hâi lo kong pơlê Dak Lak; tơdrêng amê ai hnoăng mơ’no têa plế ăm kơpong pá xôp.

Lê Xuân Lãm chêh

Sa Ly tơplôu [a\ tơbleăng