Sinh viên Huỳnh Lê Thái Bão, lâm Y Đa khoa K12A, Khoa Y Dược, hngêi trung Đại học Tây Nguyên châ vâi pú iá xua [ảng điâm hriâm 3,9/4 điêm, [ă hlối cho ngế ki châ xo hên pri mơhá, mơtiah: pri ối má môi ‘na rơkê a rôh tơ’noăng nâl Ăng-glê dêi tơnêi têa Star Awards, pri má môi tí tăng hrie#n ple\ng khoa hok [ă pri ối má môi tơ’noăng Olimpic nâl Ăng-glê râ hngêi trung hơnăm 2017.

Thái Bão ối cho kăn [o# đoân ki kơhnâ rơkê hâk vâ [ă tơdroăng cheăng, cho pho\ pơkuâ 2 câu lak [o# mơhno\ng pleăng hnoăng cheăng dêi hngêi trung Đại học Tây nguyên. Ngoh xuân cho ngế ki teăng mâ a kơpong tơdế tơnêi têa [ă Tây Nguyên hâk tơngăm châ pơxá inâi ‘’sinh viên 5 tơdroăng ki le\m’’ hơnăm 2017 xua Tíu xiâm ngăn Khu sinh viên Việt Nam diâp ăm.

Huỳnh Lê Thái Bão

Huỳnh Lê Thái Bão tối, ngoh veăng tơ’noăng, hên tơdroăng pêi pro, ôh tá xê to vâ châ pơxá inâi, mê cho vâ hlê ple\ng rế hên [ă vâ hlê mâu tơdroăng, vâ tăng xêh cheăng pêi drêng lo ing hngêi ah:

‘’Tơdroăng ki kal má môi oh tá xê to vâ châ ô eăng drêng to a plông xo pri pơxá inâi, mê xuân tá tung pơla a mơ-eăm, tơdroăng ki mê cho kal. A mơ-eăm tung tơrêm tơdroăng pơkâ ing mê a veăng pêi cheăng a mâu kâu lak [o# khu kum ăm mâu sinh viên ki rơkê ai tuăn tơmiêt vâ. Tâng sinh viên pin bú hriâm tê, mê rơxông sinh viên bú ai tơdế tê tơdroăng tơmiêt dêi a. {ă a ‘măn tơdế ki u-ối vâ veăng ‘na tơdroăng tung hriâm ôh tá xê to bú vâ rơkê, mê thế ối rơkê tung rêh ối pơlê pơla vâ ai tơdroăng cheăng pêi tơniăn tung rêh ối.

Tối ’na Rahlan Koya, kuăn ngo J’rai, sinh viên lâm Sư phạm nâl Ăng-glê K15, kơvâ hriâm nâl kong ê, hngêi trung Đại học Tây Nguyên ai tơmiêt, cho môi ngế sinh viên chal nếo nôkố, bú hriâm rơkê tá hâi bê, mê thế hbrâ xêh ăm tơná hlê ple\ng hên mâu tơdroăng vâ pêi pro, thế tâ ‘nôi, [ă malối thế hriâm ing mơngế ki ê ‘na tơpui nâl kong ê.

Rahlan Koya

Cho ngế pơkuâ kâu lak [o# Nâl Ăng-glê dêi hngêi trung đại học Tây Nguyên, Koya hiăng veăng po rơdâ kâu lak [o# ing tơdroăng pơtối mâu sinh viên trung kơvâ hriâm nâl kong ê, [ă mâu kơvâ ki ê rơtế tơpui tơno hriâm ing dêi rơpó. Ing mê, tơdroăng ki châ xo [âng nâl Ăng-hlê B1 ôh tá xê tơdroăng ki pá [ă sinh viên. Rahlan Koya tối, nâl Ăng-glê ôh tá pá tâng ai túa hriâm ki tơtro:

‘’A lâm mê ngin hriâm mâu môn ki ê, troh a hngêi ngin mơdoh dâng 1-2 chô ngin rơbot, tơpui [ă dêi rơpó nâl Ăng-glê vâ mơdêk ki hlê ple\ng tung tơpui nâl Ăng-glê’’.

Cho kuăn hdrui tung rơpo\ng hngêi ai troh 8 ngế ngoh, nâ o xuân dế hriâm, nôu pâ pêi chiâk, H’Tiên Byă, kuăn ngo Rơđé hiăng rah xo kơvâ hriâm Văn thư, dêi hngêi trung Trung cấp Dak Lak vâ hriâm. H’Tiên ăm ‘nâi, tung pơla hriâm trung cấp bú 2 hơnăm, mê tơdroăng mơ-eăm hriêm xêh, ing tơná hriâm thế tơmâng khât tâ. Ôh tá xê to hriâm, tơdroăng veăng pêi cheăng ki ê xuân cho rôh ki tro vâ hriâm pât tơná:

‘’Veăng pêi mâu tơdroăng mơhnhôk cheăng pro ăm ngin ai hên tơdroăng ki pơxúa, ai rôh châ ‘nâi, hlê [ă po rơdâ ‘na tơru\m [ă dêi rơpó, vâi pú. Kố cho hơnăm hriâm má mơ’nui xuân mơtiah hên mâu vâi pú ki ê drêng lo ing hngêi trung xuân vâ xo ah hmôi ai tơdroăng cheăng pêi tơniăn, ki hdrối kố ai liăn kum tơná tung rêh ối [ă xuân vâ veăng kum dêi nôu pâ há’’. 

Hlo khât rôh ki vâ tăng xêh tơdroăng cheăng pêi pá puât, rêm ngế sinh viên ki lo ing mâu pơlê dêi kơpong Tây Nguyên hiăng hlê ple\ng tơdroăng hbrâ ăm tơná hlê ple\ng ing hlá mơ-éa [ă tá tơdroăng ai khât tung rêh ối, mơnhông dêi tơná tung tu\m tơdroăng. Mâu reăng dêi mâu pơlê dế vâ kân tơrêm hâi, rế vâ chiâng ai plâi, chiâng kloăng hdrê, veăng ‘no hnoăng mơjiâng pơlê pơla xông tơ-[rê tâ, tơdrêng [ă tơdroăng tơru\m cheăng mơnhông mơdêk tơnêi têa.

H’Xíu chêh

Gương tơplôu tơbleăng