Tiô [ơrô Kăn sât gak troăng prôk ko\ng an kong pơlê Dak Lak, ing tơdế khế 12/2017 troh nôkố, khu lêng kăn sât gâk troăng prôk ko\ng an kong pơlê hiăng châ ‘nâi [ă rup râk 17 rơxế ôtô chơ tơmối ki chơ vâ chê 700 kg hơ’nêh u\m, 7,4m2 loăng liu, vâ chê 5 rơpâu tơdrong tâ hât [ă lối 700kg mlo\i tu\m túa. Mâu tơdroăng mê xuân châ hlo a mâu troăng kân 14, 26 [ă 27 tơdjêp [ă kơpong Tây Nguyên [ă mâu kong pơlê kơpong  k^ng têa kơx^ peăng hdroh tơdế tơnêi têa. 

Mâu tơmeăm châ kơxuô kí [ă ‘măn hdrâ tơvât tung mâu tơmeăm ki ê mê gá pá vâ châ ‘nâi

Mâu ki ‘mêi kố vâi hmâ kơxuô tơmeăm kí tung mâu kơthung cát tông, kơthung xốp, tơvât [ă mâu tơmeăm ki ê vâ mâu khu râ pơkuâ cheăng oh tá ‘nâi kơnó. Drêng châ ‘nâi, mâu ki vế rơxế hmâ tăng troăng kơtâu, lơ drêng châ rup vâi hmâ tối dêi tơná chơ dế mâu ngế ki ê, oh tá kơnó ngiâ.

Trung tă Nguyễn Quang Vịnh, kăn [ơrô kăn sát ngăn troăng prôk ko\ng an kong pơlê Dak Lak ăm ‘nâi.

Hmâ hlo mâu ngế ki mê pơtroh ăm mâu hngêi rơxế, klêi mê hngêi rơxế ‘măn hdrâ kơpêng mâu kế tơmeăm dêi kuăn pơlê ki to tung rơxế mê khoh chiâng pá vâ châ ‘nâi. Laga, tơdroăng cheăng séa ngăn, [ă mâu tơdroăng ki xiâm tối ăm ‘nâi ing khu râ kuăn pơlê mê ngin hiăng kơnó ‘nâi túa ki vâi pơkí kơtôa mê hlối rup xo.

Mlo\i [ă hât cho péa tơmeăm ki tê mơdró liu hên má môi vâ chê troh tết hơnăm 2018

Tiô thươ\ng tă Hoàng Văn Yến, kăn pho\ [ơrô kăn sât gak troăng prôk Ko\ng an kong pơlê Kon Tum, bú tung lối tơdế khế, sap ing mơ’nui khế 12 hơnăm 2017 troh apoăng khế 1 hơnăm 2018,  khu pêi cheăng kố hiăng châ hlo vâ chê 10 hdroh rơxế ôtô chơ tơmeăm liu, tung mê ki hlo hên ai 3 hdrôh cho mlo\i liu chơ tung rơxế taxi [ă rơxế ôtô ki chơ tơmối. Mâu rôh chơ tơmeăm liu xuân ai tơchoâm ki tơviah cho tơvât, hrâ kơpêng mâu tơmeăm ki ê, [ă drêng châ hlo vâi vế rơxế têi hlối kơtâu hdâ, ngế vế rơxế tối tơná chô ki vâi [ă hên tơdroăng ki ê.

Tung hơnăm hiăng luâ {ơrô kăn sât gak troăng prôk xuân hiăng châ hlo 3 hdroh pơto mlo\i liu a drô troăng. Mâu ki mê xúa rơxế vâ chơ mâu túa mlo\i, trếo pơtôu tung rơxế tối tơchoâm rơ iô ‘nâng. Péa nếo, cho pá ăm khu kăn sât gak troăng prôk tung tơdroăng lăm ngăn, séa ngăn. Châ ‘nâi mê mâu ki kố hmâ kơtâu hdâ [ă khu kăn sât gak troăng prôk xuân thế rơdât kơtâu drô troăng kân ‘nôi mê nếo châ rup, xua mê pro chiâng rơ iô  ăm mơngê ki prôk drô troăng kân.

Hdrối kơ koan ko\ng an mâu ngế ki ki chơ tối dêi tơná chơ ki vâi.

Nôkố, mâu kế tơmeăm tê mơtiah mlo\i, hât, drôu, biêr kong ê a mâu tíu tê mơdró kăng kong Bờ Y, kong pơlê Kon Tum, Bu Prăng, kong pơlê Dak Nông [ă Lệ Thanh, kong pơlê Gia Lai tăng rôe hlâu hle\ng. Xua mê, hên ngế xua rơhêng kô châ liăn hên, hiăng ‘nâi tơdroăng mê xôi luât la xuân ối veăng tê mơdró liu.

Tơdroăng chơ djâ tơmeăm khoăng liu. Tơdroăng chơ tơmeăm mơdró liu troh a mâu kong pơlê kơpong Tây Nguyên vâ tê, ki hên chơ [ă rơxế kơtâo drô troăng kân. Jâ Nguyễn Thị Thắm, 34 hơnăm, ối a pơlê kong kơdrâm Kon Tum klêi châ rup khoăng a tíu pêi cheăng Kăn sât gak troăng prôk Krông Buk, Dak Lak a poăng măng t^ng hdrối kố nah tối:

500 tơdrong tâ hât ‘măn kơtôa kí tung cốp rơxê.

Hlo tê mlo\i liu châ xo laih hên mê vâi nâ o hiăng brôk dêi rơpó tơku\m liăn rôe mlo\i vâ tê, rêm kơhôp ta amlo\i rôe a tíu tê mơdró tơkăng kong Bờ Y yă kơnâ 180 rơpâu liăn, drêng djâ troh a Buôn Ma Thuột tê kô châ 350 rơpâu liăn.

Vâ kơdroh chơ tê mơdró mâu tơmeăm liu, tơmeăm oh tá xê khât, tơmeăm oh tá le\m dế hlo tê hên a lâp lu tung roh tết kố, khu râ pơkuâ cheăng mâu kong pơlê kơpong Tây Nguyên dế pơtối séa ngăn krâu khât a mâu tíu tê mơdró kăng kong, mâu tơraih rơxế, kơpong tơdah achê [ă tơkăng kong [ă mâu kong pơlê kơpong k^ng têa kơx^ peăng hdroh tơdế tơnêi têa [ă peăng mâ lo ‘na hdroh tơnêi têa.

Tuấn Long chêh

Gương tơplôu [ă tơbleăng