VOV4.Sêdang - Tê mơdró liu mâu loăng, oh tá tơdrăng tung tê têa châu, têa kơxăng, phon rơvât, pơkeăng xôh kơdê ôa hdrong, phon, pơkeăng oh tá khât a Tây Nguyên dế pơloăng khât păng ‘nâng.

Mê cho tơdroăng tối ăm ‘nâi ing {ơrô hnê mơhno cheăng plâ mơdât tê mơdró liu, oh tá tơdrăng tung tê mơdró [ă tê ‘na tơmeăm oh ta xê khât dêi tơnêi têa tung rôh trâm mâ khu cheăng 5 kong pơlê tung kơpong kơxo lơ 9/1.

Tung hơnăm 2017, kơ koan khu râ pơkuâ cheăng 5 to kong pơlê kơpong Tây Nguyên hiăng châ hlo vâ chê 16 rơpâu hdroh mơngế ki pro xôi luât, pơxâu liăn nâp ăm hngêi rak liăn ngân tơnêi têa 140 rơtal liăn, Tơleăng phâk 159 hdroh ngế. Ki hên tâ cho tê mơdró liu, tong ko loăng, chơ tê hmâng vâ ai vâ chê 3 rơpâu hdroh, nâp ăm hngêi rak liăn 65 rơtal liăn.

Khu hnê mơhno cheăng plâ mơdât khu tê mơdró liu, oh tá tơdrăng tung mơdró [ă tê tơmeăm oh tá xê khât dêi tơnêi têa tối, mâu kơ koan khu râ pơkuâ cheăng 5 to kong pơlê kơpong Tây Nguyên ối hên tơdroăng ki pá tơvâ tơvân.

Tơdroăng cheăng tí tăng ‘nâi ple\ng ki kal, troăng hơlâ, mâu ngế ki xiâm hâi pêi tro khât, hâi teăm tơru\m, hâi ăm ‘nâi mâu tơdroăng ăm mâu khu râ pơkuâ cheăng.

Khu hnê mơhno cheăng tơnêi têa pơkâ thế mâu kơ koan khu râ pơkuâ cheăng mâu kong pơlê kơpong Tây Nguyên kal tơmâng khât troh tơdroăng cheăng tơplâ mơdât ‘na phon rơvât, pơkeăng xôh kơdê ôa hdrong oh tá xêt.

Gương tơplôu [a\ tơbleăng