Hơnăm 2024, Vi ƀan Tơnêi têa ‘na mơngế Việt Nam a kong têa ê tơrŭm ƀă Vi ƀan Pơlê kong kân Hồ Chí Minh tơkŭm po tơdroăng “Rơnó hơngui pơlê xiâm’’ veăng a mê ai dâng 3 rơpâu ngế tơmối châ krếo veăng troh. Tơdroăng mê po sap a hâi lơ 01/02 troh hâi lơ  02/02/2024 (cho vâ tơbâ hâi lơ 22 ƀă 23 khế 12 hơnăm Quý Mão) ƀă hên tơdroăng cheăng ki ê. 

Tung “Rơnó hơngui pơlê xiâm” hơnăm 2024, Kăn xiâm hnê ngăn tơnêi têa Võ Văn Thưởng ƀă kơdrâi pôa pơkuâ mâu tơdroăng pêi pro ai pơxúa rơtế ƀă mơngế Việt Nam ki rêh ối a kong têa ê  tung lâp tơnêi têa. Malối , Vi ƀan Pơlê kong kân Hồ Chí Minh pơkuâ tơkŭm hôp trâm mâ dâng 1 rơpâu ngế Việt Nam ki rêh ối a kong têa ê drêng troh “Rơnó hơngui pơlê xiâm” hơnăm 2024, lăm pôu, rơkâu Têt kuăn pơlê, rơkâu rơnó hơngui tơkŭm hôp Têt.

Ing mê, tơbleăng troh mơngế Việt Nam ki rêh ối a kong têa ê mâu hnoăng cheăng châ pêi tơƀrê dêi pơlê kong kân luâ 35 hơnăm pơ’lêh nếo ƀă mơnhông tơtêk.