Hơnăm kố, kong pơlê Gia Lai ai 2 rơpâu 847 vâi rơtăm a 17 tơring, pơlê kong krâm, pơlê kong kân a kong pơlê Gia Lai kô lo lăm pro mô đô̆i. Tung kơxô̆ ki mê, ai 56% cho vâi rơtăm cho hdroâng mơngế kuăn ngo, 479 ngế ai chêh bro hlá đơn mơhnŏng pâ lăm pro mô đô̆i, 72 ngế hiăng klêi hriâm đăi hok, kao đăng.

Ing mơ’nui hơnăm 2023 ƀă apoăng hơnăm nếo kố, Hô̆i đong ngăn ‘na khu ki rah xo vâi rơtăm pro mô đô̆i kong pơlê Gia Lai tơrŭm cheăng ƀă mâu tơring, cheăm tơkŭm hên khu lăm pêi cheăng, lăm pôu, êng, hbru tơmeăm ăm mâu rơpŏng ki ai kuăn cho rơtăm lăm pro mô đô̆i drêng kố. Mâu tơring, cheăm hiăng pêi pro klêi tơdroăng hbrâ ăm hâi leh pơcháu vâi rơtăm lăm pro mô đô̆i.