Kơxo lơ 17/1, kong pơlê Bến Tre tơkŭm po leh tơbâ 63 hơnăm Hâi Bến Tre xông tơbriât pơkuâ (17/1/1960 – 17/1/2023); pơ-ô pơ-eăng ƀă diâp inâi ‘’Kuăn pơlê xông tơbriât pơkuâ ki khên tơnôu rơkê’’, ‘’Kuăn pơlê xông tơbriât pơkuâ phiu ro’’, diâp Mê dái Đảng roh lơ 3/2. Hlá mơ-éa pơchuât tơbâ tơdroăng mơnhông mơdêk, khu râ kăn pơkuâ kong pơlê Bến Tre tối ki kơnâ, hnoăng dêi tơdroăng rơtế xông tơbriât pơkuâ a kong pơlê Bến Tre 63 hơnăm ngiâ hdrối nah lơ 17/1/1960 cho môi ngế ki má môi ‘na tơdroăng xông tơtrâ dêi kuăn pơlê; ing kơpeăng kŏng ôh tá ai ki klâi, ƀă hiâm mơno pâ nhuô̆m tơnêi têa, hâk vâ tơniăn krê, tơniăn lĕm, ing pơkuâ dêi Đảng, kuăn pơlê Bến Tre hiăng xông tơplâ xâ tiô troăng rơkê ƀă châ tơƀrê, pro chiâng roh xông tơbriât pơkuâ ôh tá ‘nâi tối hdrối, môi tiah tơdroăng ki bâ eăng tung tơdroăng mơnhông dêi hdroâng mơngế.

Klăng leh tơbâ 63 hơnăm Hâi Bến Tre xông tơbriât pơkuâ, Vi ƀan kong pơlê Bến Tre diâp ăm inâi “Kuăn pơlê xông tơbriât pơkuâ khên tơnôu rơkê’’ ƀă ‘’Kuăn pơlê xông tơbriât kơnâ kơnía’’ roh má 3 hơnăm 2023, ăm 10 ngế krê, hiăng châ tơƀrê hên, rơkê tung veăng kum ăm mơjiâng ƀă mơnhông kong pơlê Bến Tre.