Teăng mâ kăn xiâm pơkuâ hnê ngăn Đảng, Tơnêi têa hâk tơngăm diâp ăm pôa Trần Quốc Vượng Me dái 45 hơnăm ối tung Đảng, pôa Tô Lâm, Kăn xiâm pơkuâ hnê ngăn Đảng rơkâu pôa Trần Quốc Vượng ƀă mâu vâi pú kăn ki châ diâp Me dái 40 hơnăm, 30 hơnăm ối tung Đảng, tối nhên, mâu vâi pú ki châ diâp ăm Me dái Đảng hâi kố hiăng ai rôh ki pêi cheăng ton xŏn a hên kơ koan, tíu pêi cheăng tung pơla pêi cheăng, mâu vâi pú đi đo rak vế ki lĕm tro dêi kăch măng dêi mơngế kŏng san pêi pro tro hnoăng cheăng châ pơcháu.

Krê ƀă pôa Trần Quốc Vượng tung mâu tơdroăng cheăng đi đo pêi klêi rơkê hnoăng cheăng châ pơcháu, veăng gum kal khât tung tơdroăng mơjiâng ƀă rak vế krá tơniăn tơdroăng kal kí luât xuân môi tiah pêi pro ƀlêi chiâng mâu hnoăng cheăng kal kí dêi Đảng, ai hên ivá veăng tung ‘mâi mơnhông tung rôh tơplâ, mơdât mâu ngế kâ kơluâ, veăng gum ‘mâi mơnhông tơdroăng loi tơngah kăn ƀô̆ đảng viên ƀă mâu rơxông kuăn pơlê ƀă Đảng.