Tơpui a Rôh hôp, pôa Phạm Minh Chính, Ngế pro xiâm hnê ngăn tơnêi têa hiăng tối ‘na tơdroăng tơrŭm cheăng Việt Nam ƀă Mih, Ngế pro xiâm hnê ngăn tơnêi têa ăm ‘nâi, pôa phiu ro drêng tơrŭm cheăng Việt Nam – Mih rế hía rế mơnhông tơniăn lĕm, tung mê ai tơdroăng veăng gum dêi mâu khu mơdró kâ Mih.

Tiô Ngế pro xiâm hnê ngăn tơnêi têa, Việt Nam pơtối mơdêk pơhlêh tơdroăng tê mơdró tiô troăng tơniăn, rế hía rế tơ’lêi hlâu tơdrăng, châ achê ƀă troăng pơkâ lâp plâi tơnêi, mơ-eăm pêi pro tro mâu pơkâ ƀă pro tơ’lêi ăm mâu khu ‘no liăn cheăng kong têa ê, tung mê mâu khu mơdró Mih; pơkâ thế Mih xut tah lôi mâu tơdroăng ki pro pá, mơdât kơ Việt Nam, rĕng mơnhên pơkâ cheăng kâ kơchơ mơdró dêi Việt Nam, pro tơ’lêi ăm péa tơnêi têa, khu mơdró kâ péa tơnêi tơrŭm mơnhông, xua pơxúa tơdjuôm dêi péa tơnêi têa, kuăn pơlê péa tơnêi têa.