Hên ngế  tối  cho Ngế cheăng tung Vi ƀan pơkuâ ngăn Liăn ngân vâ môi tuăn ƀă tơdroăng ki kal ai Pơkâ vâ pơtối ăm xúa tung luât pơkâ kơdroh tơ’nôm pro hnoăng mơhá tê rôe tơmeăm, veăng pro kơdroh yă tê rôe tơmeăm, ing mê, kô mơhnhôk mơngế rôe xúa, pơtối ai cheăng pêi ƀă mơngế dế tro hơnăm pêi cheăng, kơjo kum kuăn pơlê, khu mơdró pơtối rak ki ‘mâi mơnhông  ƀă mơdêk hnoăng cheăng pêi lo kế tơmeăm, tê mơdró  vâ veăng ‘no nếo a liăn ngân tơnêi têa ƀă cheăng kâ. Hên ngế tung Vi ƀan ngăn Liăn ngân  vâ môi tuăn ƀă tơdroăng pơkâ dêi Chin phuh ‘na tơdroăng pơtối ăm phêp xúa sap hâi lơ 01/01/2025  ta troh tâi hâi lơ 30/6/2025.

Mơgêi tơdroăng mê, pôa Nguyễn Đức Hải, Kăn  xiâm phŏ hnê ngăn Kuô̆k hô̆i  ăm ‘nâi, Vi ƀan Pơkuâ cheăng vâ môi tuăn pơtroh ăm Kuô̆k hô̆i séa ngăn pơkâ kơdroh tơ’nôm pro hnoăng mơhá tê rôe tơmeăm dêi Chin phuh; pâ thế Chin phuh pơtối tơmâng hnê tối dêi Vi ƀan pơkuâ cheăng, hnê tối dêi kơ koan séa ngăn vâ tơ’nôm tơdroăng ki vâ tối mơhnhôk dêi tơdroăng kơdroh tơ’nôm pro hnoăng mơhá klêi mê pơtroh ăm Kuô̆k hô̆i séa ngăn hlối pơkâ.