Kuô̆k hô̆i hôp séa ngăn hnoăng cheăng mâu ngế pêi cheăng
Thứ tư, 14:23, 27/11/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Tiô tơdroăng dêi Hneăng hôp má 8, mơ’nui rôh pêi cheăng a kơxê kố lơ 27/11, Kuô̆k hô̆i kô hôp krê vâ séa ngăn hnoăng cheăng ‘na mâu ngế cheăng tiô tơdroăng pơkuâ.
A kơxo lơ 25/11, Khu pơkuâ ngăn Tơnêi têa hiăng ăm rơkong tơpui tối ‘na mâu ngế cheăng vâ Khu xiâm pơkuâ tơdroăng pơkâ kal kí pơkâ tơbleăng ăm Kuô̆k hô̆i hneăng 15 kĭ pơkâ inâi Ngế xiâm ngăn liăn ngân, Ngế xiâm ngăn troăng prôk ƀă rơxế kơtâu; pôk Ngế cheăng tung Vi ƀan pơkuâ Kuô̆k hô̆i, Ngế xiâm chêh tôm xo rơkong Kuô̆k hô̆i, Kăn pơkuâ Ƀơrô cheăng Kuô̆k hô̆i.
Tiô pơkâ, Vi ƀan pơkuâ cheăng Kuô̆k hô̆i, Ngế xiâm chêh tôm xo rơkong Kuô̆k hô̆i; Ngế pro xiâm hnê ngăn Chin phuh pơtroh inâi vâ Kuô̆k hô̆i kĭ pơkâ thế pôk tơ’nôm ngế xiâm pơkuâ. Klêi kơ’nâi tơbleăng inâi, tơpui a khu, Kuô̆k hô̆i tâ phĭu pơkí vâ pơkâ mâu inâi kố.
Viết bình luận