A rôh pêi cheăng, Kăn  hnê ngăn Đảng pơlê kong kân Hải Phòng Lê Tiến Châu tối, kuăn pơlê Việt Nam đi đo chôu pâ ƀă mơnê mâu tuăn pâ khât, veăng kum kân dêi kuăn pơlê Bulgaria tung rôh tơplâ vâ tơbriât pơkuâ tơnêi têa, mơjiâng dêi tơnêi têa. Pôa Rumen Radev, Kăn xiâm pơkuâ kong têa Bulgaria tối, Bulgaria đi đo nhoăm tơrŭm cheăng tiah hmâ sap nah ki lĕm pơla péa tơnêi têa.

Tung hneăng lăm pôu pơlê kong kân  Hải Phòng rôh kố, pôa Rumen Radev púi vâ Hải Phòng hnê túa mơnhông a tâi kơvâ hmâ pêi ki lĕm ton nah ƀă nôkố; túa pêi cheăng dêi pơlê kong kân tung tơ’mot khu ‘no liăn cheăng, tơleăng mơnhên mâu tơdroăng tơdjâk troh mơnhông rơdêi rĕng la xuân ối rak ƀă mơnhông tơƀrê ki pơxúa xiâm dêi hdroâng kuăn ngo.

Pôa Rumen Radev púi vâ 2 pâ kô tơrŭm cheăng krá a mâu kơvâ cheăng ki péa pâ kal vâ, veăng ‘no hnoăng mơnhông tơrŭm cheăng  tiah hmâ ing nah ƀă tơrŭm ká pơla péa tơnêi têa Việt Nam - Bulgaria rế trâu rơdâ ƀă ai pơxúa tâ nếo.