A rôh hôp, Ngế teăng mâ Khu tơrŭm cheăng Đảng kong pơlê Gia Lai tơbleăng mâu pơkâ dêi Khu kăn pơkuâ hnê ngăn Đảng kong pơlê Gia Lai, mê cho: rah pôa Nguyễn Trường Sơn - Kăn phŏ pơkuâ hnê ngăn Đảng pơlê kong krâm, Kăn hnê ngăn Vi ƀan kuăn pơlê dêi pơlê kong krâm Ayun Pa  xo hnoăng cheăng a Tíu xiâm ngăn troăng prôk rơxế kơtâu dêi kong pơlê.

Pôa Trần Anh Tuấn - Kăn phŏ pơkuâ Khu xiâm ngăn khoa hok ƀă kơmăi kơmok Gia Lai châ rah xo, mơhno veăng cheăng tung khu ngăn Đảng ƀô̆, Khu pơkuâ cheăng dêi pơlê krâm Ayun Pa, pro Phŏ pơkuâ hnê ngăn Đảng pơlê krâm hneăng 2020-2025; Khu kăn pơkuâ hnê ngăn Đảng kong pơlê Gia Lai rah xo pôa Anh Tuấn vâ Hô̆i đong kuăn pơlê kong krâm Ayun Pâ pôk pro Kăn hnê ngăn Vi ƀan kuăn pơlê pơlê dêi pơlê kong krâm hneăng 2021-2026.

Pôa Phạm Hồ Giang, Kăn phŏ pơkuâ hnê ngăn Đoân Droh rơtăm, châ rah xo ăm pêi hnoăng cheăng pơkuâ hnê ngăn Đảng Khu ngăn ‘na cheăng Khoa học ƀă Kŏng ngê̆. Tơbleăng a rôh hôp, pôa Rah Lan Chung, kăn phŏ hnê ngăn Đảng kong pơlê Gia Lai pơkâ thế mâu kăn ƀô̆ ki châ rah xo pôk  kan pơcháu hnoăng cheăng pêi, thế lăm troh a tíu pêi cheăng vâ xo hnoăng cheăng pêi, pơtối mơdêk ki rơdêi vâ pê klêi mâu tơdroăng cheăng.